Hibru 5:1 - Tataroha Diana1 Ahutana mo iini kire neꞌi Naꞌohana Mo Naꞌohai Pris, ikire mo iinoni nge lio hilisilada e lae hunie kire ke ere oolitana mwala hunie a God, na hunie kire ke niie mo uuraaꞌinge mwala nana God, na huni uunu ola i saana honotana mo oorahaꞌaa. အခန်းကိုကြည့်ပါ။ |
Aani hiiwalaimolinge mone, nge a Ebol e toolea mai nga uunu-olanga diana loꞌu liutaa aana uuraaꞌinge aasine, a Kein. Na aana a Ebol e hiiwalaimoli, nge a God e unue uri ingeie nga iinoni oodotaꞌi, na a God e si ilenimwaꞌe haahie uunu-olanga ingeie. Oto maꞌalana uri a Ebol e mae taane oto waite, taꞌe siꞌiri laladonga i sulie ko haꞌananaukie ue i sulie hiiwalaimolinge ingeie.
Na ingeie e kaꞌa urihana ike ngaeta mo naꞌohai pris nge kire ko uunu ola mola i suli hei dinge. Kire ko holaꞌi uunu ola kaꞌu honotana mo oorahaꞌaanga ikire maraada, nge kire ko si heꞌi uunu ola loꞌu honotana mo oorahaꞌaanga ahutana mwala. Taꞌe a Jisas e niie maraana aani uunu-olanga mola hautaꞌai huni tapa mousie oorahaꞌaanga ahutana mwala aana taꞌena nga maholo.