Hibru 4:9 - Tataroha Diana

⁹ Aena urinena kolu meni saie oto uri mo iinoni a God kire toꞌo aana taane ue nga mamalonga hunie kire ke tohungei mamalo diana.

Hibru 4:9 ပူးပေါင်းရင်းမြစ်များ

Matiu 1:21

A Meri kei haꞌahutaa kele mwela mwane, oto o ke haaraꞌinie aana a Jisas, oolisilana uuri, ‘God ko haꞌa-uuri.’ O ke haaraꞌinie urine aena aana ingeie kei haꞌa-uurie mwala ingeie mwaanie mo oorahaꞌaa ikire.”

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Hibru 11:25

Taꞌe e neꞌisae huni sapesalu mola peꞌie mwala a God, aana e saie uri mei sapesalunge ngeena e diana liutaa aana taungei ilenimwaꞌenga nge mo iinoni oorahaꞌaa kire toꞌo aani mola hunie kele maholo oꞌoruꞌe.

Hibru 3:11

Nou tohungei saewasulire oto hule aana nou tohe oto uuri, “Kire saꞌa roroꞌa hule ike aana leu ni mamalo nge nou deu aakau aana loosire.” Sam 95:7-11

Hibru 4:1

Haiholotaꞌinge a God ngeena e iiꞌo mola ue, uri mo iini nge kire hiiwalaimoli aana kire sai mamalo aana leu ni mamalo e dau aakau aana loosire. Oto omu ke lio-lio diana talamiu, mwaanie uri nga iini eemiu e oore aani helesilana mei mamalonga ngeena.

Hibru 4:10

Aana ahutana mo iini nge kire kei hule aana leu ni mamalo a God, kire kei mamalo oto mwaanie mo esunge ikire ni ngeena, oto noꞌone mala a God e mamalo mwaanie asunge ingeie aana maholo e haꞌaholaa walumalau.

Hibru 4:3

Aana ikie mo iini kie hiiwalaimoli haꞌalaa kie sai sili aana leu ni mamalo nge a God e haiholotaꞌinie ngeena. Taꞌe mo iini kire kaꞌa hiiwalaimoli ngeena, a God e ere i sulire uuri, “Nou tohungei saewasulire oto hule aana nou tohe uuri, ‘Kire saꞌa roroꞌa hule ike aana leu ni mamalo nge nou deu aakau aana loosire.’ ” A God e unue leune maꞌalana uri e haꞌamangoa taane oto leu ni mamalo ngeena uure oto i naꞌo aana maholo e haꞌaholaa walumalau.

Hibru 4:8

Kie saie taane oto uri a Josua nge e oolisie a Mosis kaꞌu mala naꞌohana mo Jiu oto i naꞌo, e kaꞌa asuie ike hunie mwala ke mamalo oto mala a God e haiholotaꞌinie hunire. Aana ke urine, haꞌalaa a God e saꞌa tohungei ere ike loꞌu i sulie nga maholo aaopa huni sili i laona leu ni mamalo ngeena.

1 Pita 2:10

Oto wau i naꞌo, iꞌomu nga mwala a God haꞌike na omu kaꞌa manataꞌinie ike aamasinge a God. Taꞌe aana maholo ienini, omu neꞌie tohungei iinoni a God oto toꞌohuu, na a God ko tohungei aama-aamasiꞌomu na ko sae-sae diana oto liutaa haahiꞌomu.

Haataꞌinge 14:13

Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”

Haataꞌinge 21:4

Ingeie oto kei usuri aasie mo wei ni aakalo mwaanie maada. I leune nge maenga, na saehuunge, na ngaranga, na sapesalunge haꞌike loꞌu. Aana ahutana mo ola lalahuꞌe urine kire mango oto.”