Hibru 4:16 - Tataroha Diana

¹⁶ Aena ngeena kie ke suꞌuri meꞌu huni lae mai saana a God, iini manatana e diana hunie mo iinoni. Aana leune nge kie ke si hele aana aamasinge na mo niinge huni peꞌilaka aana maholo kie ko siꞌohaꞌa.

Hibru 4:16 ပူးပေါင်းရင်းမြစ်များ

Epesas 2:18

Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.

Epesas 3:12

Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.

Hibru 13:6

Aena urine, kie saꞌa maꞌu ike loꞌu na kie ke unue mola uuri, A Aalaha kaꞌu oto ko peꞌieu, na nga mei ola hunie ne ke maꞌuteꞌinie haꞌike loꞌu. Aana mo iinoni mola, kire kaꞌa sai da ike nga mei ola aaku. Sam 118:6

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Hibru 7:19

E asuie leune aana Haꞌatolanga a Mosis e kaꞌa sai haꞌa-oodohie ike nga iini. Taꞌe oto ie, a God e tahanie hunikie tala nge kie sai norutoꞌo aana. Na tala ngeena e diana loꞌu liutaa aana Haꞌatolanga a Mosis aana e sai toolekie mai karaꞌinie a God.

Hibru 7:25

Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

Hibru 9:5

Aaruhi aana kesi ngeena oto leu ni haꞌamousie mo oorahaꞌaanga mwala. Na i lengine aaruhi ngeena e ro nunui ola kire aadumiꞌi mala mo taungei ensel kire haaraꞌinie aana “derupim.” Kire uure i leune huni haataꞌinie uri leu a God ko oꞌoꞌo aana, na mo apa-apani kire mamalusie aaruhi ngeena. Taꞌe e kaꞌa maholo oto ni lado luhesie walu olana ni ienini.

1 Pita 2:10

Oto wau i naꞌo, iꞌomu nga mwala a God haꞌike na omu kaꞌa manataꞌinie ike aamasinge a God. Taꞌe aana maholo ienini, omu neꞌie tohungei iinoni a God oto toꞌohuu, na a God ko tohungei aama-aamasiꞌomu na ko sae-sae diana oto liutaa haahiꞌomu.