Hibru 4:14 - Tataroha Diana

¹⁴ Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 4:14 ပူးပေါင်းရင်းမြစ်များ

Matiu 4:3

Oto a Satan e lae mai saana na ko teꞌuri hunie, “Mala o ko neꞌie Kalena God toꞌohuu, o ke unue mo heu ngeena ke neꞌi bred.”

Tataroha Diana I Sulie A Jisas Kraes Nge A Mak E Uusue 1:1

Tataroha Diana i sulie a Jisas Kraes, Kalena a God e aehota oto mala

Tataroha Diana I Sulie A Jisas Kraes Nge A Mak E Uusue 16:19

Oto i purine Aalaha ikie a Jisas e ere mango urine peꞌire, a God e tahelaꞌinie oto taꞌau i Lengi na e lai iiꞌo oto aana iiꞌo-iiꞌoha paine i pwalo-pwalona God.

Tataroha Diana I Sulie A Jisas Kraes Nge A Luk E Uusue 24:51

Maholo ko ere-ere ni haꞌadianaꞌara ue, na ko oopa oto mwaanire aana a God e tahelaꞌinie oto taꞌau i Lengi,

Palonga 1:11

Na kirerue ko teꞌuri oto hunire, “!Mo mwane ni Kalili! ?Nga taa ni omu uure, omu ko lio-lio ue hunie taꞌau i salo? A Jisas nge a God ko tola aalihoꞌi aana i Lengi mwaaniꞌomu ngeena, kei ooli loꞌu mei oto mala omu ko leesie ko lae i Lengi ngeena.”

Palonga 3:21

Ingeie kei iiꞌo kaꞌu taꞌau i Lengi hule aana maholo a God kei haꞌahaalue ahutana walu ola, mala e unue kaꞌu oto waite aana mo propet maaꞌi ingeie.

Uusu-uusu A Pol Hurula'aa Hunie Mo Rom 8:34

?Oto a tei loꞌu e toꞌo aana nanamanga hunie ke unue uri kie takalo na kei lei mae aaka? ?Uri a Kraes? !Haꞌike loꞌu! A Kraes haꞌalaa e nanama urine. Taꞌe a Kraes e mae kaꞌu honotaka, na e heꞌi meuri loꞌu hunikie, na ko iiꞌo aana iiꞌo-iiꞌoha paine i pwalo-pwalona God, na hule aana a Kraes ko eiꞌeitanai talaka.

2 Korinit 12:2

Ola mala aawalai helisi mwana hai e mango, a God e tooleau oto hunie hahuꞌana leu taꞌau i Lengi nge e iiꞌo aana. Nou kaꞌa sai diana aana, ohe nou lae toꞌohuu aana sapeku wa ohe taꞌe maurihaꞌaku mola e lae. Taꞌe a God mola e saie.

2 Korinit 9:13

Na i tehulaꞌana mei esunge diana iꞌomu ngeena ko haataꞌinie hiiwalaimolinge iꞌomu e toꞌohuu, nge mwala oto hunge kei paalahea God. Omu hiiwalaimoli aana Tataroha Diana a Kraes na omu tola i sulie Tataroha Diana ngeena aani peꞌinge hunire na ahutana mwala loꞌu. Oto mwala hunge kei haꞌamanikuluꞌaa God haahie mwaꞌe-mwaꞌenga iꞌomu.

Epesas 4:10

Oto iini nge e siho mai ngeena, e tahelaꞌi loꞌu mola taꞌau i Lengi. E tahelaꞌi taꞌau loꞌu liutaa aana taꞌena nga leu taꞌau i Lengi, na ko iiꞌo oto taꞌau uri hunie ke aalaha haahie taꞌena nga ola.

Hibru 1:8

Taꞌe maholo a God e ere hunie a Kalena e teꞌuri, Iꞌoe oto a God, na aalahanga iꞌoe e saꞌa mango oto ooꞌoo. O lio i sulie mwala iꞌoe peꞌie oodo-oodonga.

Hibru 10:12

Taꞌe a Kraes e asuie mola taꞌa-taꞌa uunu-olanga, na uunu-olanga ingeie ngeena e toꞌo aana nanamanga huni taꞌaasie mo oorahaꞌaa oto taraꞌasi. Oto e asu mangoa uunu-olanga ngeena, e si lai iiꞌo aana naꞌohai iiꞌo-iiꞌoha i pwalo-pwalona God. Sam 110:1

Hibru 10:23

Kie ke lae peꞌi hele maꞌutaꞌa aana maaꞌoohinge susutoꞌo hunie walu ola nge kie ko unue uri a God e haiholotaꞌiniꞌi hunikie, aena aana kie sai norutoꞌo aana God, iini e haiholotaꞌinie walu olana.

Hibru 10:29

?Aana e aaela urine hunie iini ko mwaka mola aana Haꞌatolanga a Mosis, haꞌalaa nga taa nge kei reu aana nga iini nge ko mwaka aana Kalena God? !Mei haꞌaloinge oto paine loꞌu liutaa kei hite aana iinoni urine! Kire ko ere aaelasie a Kraes, iini nge ko haꞌawalaimoliꞌaa haiholotaꞌinge a God, na e haꞌamaaꞌie oto iinoni ngeena hunie ke neꞌi iinoni maaꞌi a God. Taꞌe iinoni ngeena mola e loꞌongaꞌinie uri apune a Kraes mei ola mwaakule mola, na ko ere aaelasie noꞌone a Liꞌoa Maaꞌi, iini nge e haataꞌinie hahuꞌana manata-diananga a God hunikie.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

Hibru 2:1

Aena urinena, kie ke tohungei hele maꞌutaꞌa oto aana nga taa nge haꞌananaulaka e lae kaꞌu oto aana, mwaanie kie lae aaopa mola mwaanie walaimolinge ngeena.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 6:20

Na e holaꞌi lae oto taꞌau i naꞌoka hunie uri ikie kie ke lae noꞌone taꞌau. Aana a Jisas oto Hahuꞌana Naꞌohai Pris oto mala a Melkisedek, na kei iiꞌo huu oto urine hunie ke aiꞌeitanaie a God talaka.

Hibru 8:1

Tohungei loꞌongaꞌinge aana nga taa melu ko unu-unue huniꞌomu e uuri. Kie toꞌo aana oto Hahuꞌana Naꞌohai Pris nge ko iiꞌo aana iiꞌo-iiꞌoha nanama i pwalo-pwalo aana naunekume ni menikuluꞌanga a God taꞌau i Lengi.

Hibru 9:12

A Kraes e lai sili mola hautaꞌai i laona tohungana leu maaꞌi, na e kaꞌa toolea ike apune nga nanikot wa nga puluke mala uunu-olanga ingeie hunie a God. Taꞌe e toolea apune oto maraana, nge e sai haꞌa-uurie taꞌena nga iinoni aana taꞌena nga maholo mwaanie mo oorahaꞌaa ingeie.

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

1 Pita 3:22

A Jisas e tahelaꞌi oto i Lengi, na e iiꞌo oto i pwalo-pwalona God aana leu e nanama oto liutaa. Na aana a Jisas e toꞌo aana iiꞌo-iiꞌoha oto paine ngeena, nge ko aalaha oto haahie mo ensel na mo aakalo na mo inemauri na mo aalaha, na haahie taꞌena nga ola e nanama loꞌu.