Hibru 4:12 - Tataroha Diana

¹² Kie ke asu toꞌohuu urine, aana walana God ola e mauri na ko euꞌesu aꞌailaꞌa oto liutaa, na e tohungei ala loꞌu liutaa aana naihi e ala rue-rue. Na e sai hoaikie mo iinoni lai hule oto aana suisulike, na e sai lae kokoro i laona saena iinoni huni lio oodoie mo neꞌisaenga ingeie, na ko leie walu ola nge saena iinoni ko peinesiꞌi.

Hibru 4:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 8:11

Na a Jisas e heꞌi unue loꞌu uuri, “Loꞌongaꞌinge aana aalahuunge ienini e lae uuri. Mo lite walana God ni ngeena.

Tataroha Diana I Sulie A Jisas Kraes Nge A Jon E Uusue 12:48

Nga mei ola huni leie mo iinoni e iiꞌo taane. Mo iini kire kaꞌa sare hiiwalaimoli eeku, na kire kaꞌa sare rongo hunie walaku, nge mo wala nge no ko unu-unuꞌi ngeena, kire ke si lei mae aana mwala urine aana dinge ooreta.

Tataroha Diana I Sulie A Jisas Kraes Nge A Jon E Uusue 6:51

Ineu oto mei ngaulaa mauri nge e siho mai uure i Lengi. Na iini ko ngeu aana mei ngeulaa ienini kei meuri huu. Aana mei ngeulaa ne kei niie hunie, nge hasiꞌoku otona, aana no ko niie i tehulaꞌana walumalau hunie ke toꞌo aana maurihe.”

Palonga 2:37

Oto maholo mwala kire rongoa mei wala ngeena, kire ko si tohungei hii aaela oto hiitoꞌo, na kire ko ere uuri hunie a Pita na mo hurulaꞌaa, “?Maeni eesimemi, oto emi ke si ue eena?”

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 5:33

Oto maholo mwala aana pulitaa ni lei-lei kire rongoa mo wala a Pita e unuꞌi ngeena, kire ko si tohungei saewasu hule aana kire ko sare horo maesie oto mo hurulaꞌaa.

Palonga 7:38

Ingeie oto e oꞌoꞌo peꞌie mwala a God i laona hanuesala. Na ingeie oto e haꞌa-haꞌarongoa mo weuwaka, aana walu ola nge ensel e unuꞌi hunie i lengine toloi henue i Saenae. Na e rongoa mei wala ni meurihe a God, oto e niie mai hunikie.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

1 Korinit 1:24

Taꞌe hunikie mo iini nge a God e soikie oto, mo Jiu na oto mo Aapoloa Aaopa, mei wala aana a Kraes ienini ingeie oto nanamanga na saenanaunge a God.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

Epesas 5:13

Taꞌe maholo raa-raa ko sinelie nga mei ola, nge mwala ke si lio saie mei ola ngeena e uri taa, aana raa-raa e si haataꞌinie oto.

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

Epesas 6:17

Omu ke hoꞌo-hoꞌosie noꞌone haꞌa-uuringe a God mala paraimaa ni oohotaa haahie pwaumiu, na omu ke hele aana walana God mala omu hele aana naihi nge a Liꞌoa Maaꞌi e niie mai.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

Hibru 13:7

Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.

Jemes 1:18

Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.

1 Pita 1:23

Iau, omu ke teteꞌurine aena aana omu hute haalu hunie iiꞌonga haalu. Walana God e si esuie omu ko hute hunie iiꞌonga haalu ngeena, na mei wala ngeena mei ola nge e kaꞌa sai mae ike, taꞌe e iiꞌo huu oto di na oto di.

Haataꞌinge 1:16

Na e hele aana e hiu ho heeꞌu aana ninime i pwalo-pwalona, na naihi e ala rue-rue e maau mei mwaanie ngidune. Na maana e urihana oto sato ko raa i upui aatowaa.

Haataꞌinge 19:15

Na naihi e ala e maau mwaanie ngidune iini i naꞌo ngeena, hunie kei aꞌailaꞌasie mo henue. E saꞌa lio toliꞌaasie ike nga mei heitohenga i laona aalahanga ingeie, aana ingeie oto iini ko arasi aana saukae ni saewasunge a God Hahuꞌana Nanama.

Haataꞌinge 19:21

Na ahutana mo ramo aana mae ikirerue, horoꞌilada e lae mola aana naihi nge e maau mei mwaanie ngidune iini nge e taꞌe i lengine hoos rereꞌa ngeena. Oto ahutana mo menu kire ngaue hasiꞌoda hule aana kire mani pote mango.

Haataꞌinge 2:16

Omu ke toliꞌaasie oto mo tolahai ola aaela urine. Mala uri omu kaꞌa toliꞌaasie oto mo tolahai ola urine, nge ne kei lae oto mola mai lau-leu huni horoꞌie mwala ngeena aana naihi nge e maau mwaanie ngiduku.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Haataꞌinge 20:4

Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.