Hibru 3:5 - Tataroha Diana

⁵ A Mosis ingeie nga mwane diana a God taane, aana e tohungei esu mala koni-konihe diana hunie uluhe aana nume a God, na e ere lalai i sulie mo ola nge a God kei haro ere i suliꞌi loꞌu aana nga maholo.

Hibru 3:5 ပူးပေါင်းရင်းမြစ်များ

Matiu 24:45

Oto a Jisas ko heꞌi unue loꞌu uuri, “?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Tataroha Diana I Sulie A Jisas Kraes Nge A Luk E Uusue 12:42

Oto a Jisas ko aalamie a Pita uuri, “No ko unue huniꞌomu na hunie taꞌena nga iini e saenanau. ?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Tataroha Diana I Sulie A Jisas Kraes Nge A Luk E Uusue 24:27

Oto a Jisas ko aehota luhesie hunirerue mo ola uusuleni e lae i sulie maraana i laona mo Haꞌatolanga a Mosis lae hule aana mo Uusu-uusu Maaꞌi mo propet.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Jon E Uusue 5:39

“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 7:37

Na a Mosis maraana nge e teꞌuri hunie mwala ni Israel, A God kei lio hilisie nga iini eemiu hunie kei neꞌi propet mala ineu. Diutronomi 18:15

Uusu-uusu A Pol Hurula'aa Hunie Mo Rom 3:21

Taꞌe ie a God ko haataꞌinie tolaha ni oodotaꞌinge ingeie nge e asuie mwala ke neꞌi iinoni oodotaꞌi i maana. Mo Haꞌatolanga a Mosis na mo Uusu-uusu Maaꞌi mo propet kire lae peꞌi ere i sulie mei olana, taꞌe maꞌalana ke urine na oodotaꞌinge i maana a God e kaꞌa uure ike mai mwaanie lulu i sulilana mo Haꞌatolanga ngeena. !Haꞌike!

1 Korinit 4:2

Na omu saie taane e taꞌa-taꞌa mei ola mola ni e roroꞌa oto liutaa. E roroꞌa mola hunie mo koni-konihe kire ke asu toꞌohuu nana mo poro paine ikire.

1 Timoti 1:12

No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

Hibru 1:1

Aana mo maholo hunge oto wau i naꞌo, na aana mo tala hunge hai aaopaꞌi, a God e unue hunie mo propet kire ke haꞌarongoa weuwaka mo Jiu aana walana.

Hibru 3:2

A God e lio hilisie a Jisas oto huni esu nana, na ahutana mo esunge a God e unuꞌi hunie, e dau i suliꞌi mango oto. E tohungei esu diana nana God, mala a Mosis noꞌone e asu diana nana God kaꞌu aana e lio i sulie uluhe aana nume a God oto i naꞌo.

Hibru 8:5

Asunge ikire mala mo pris ngeena ola domana mola nunune nga taa e toꞌohuu oto taꞌau i Lengi ni ngeena. Na kie saie oto leune, aena aana maholo a God e unue uri a Mosis ke asuie nume maaꞌi susulu, nge e haꞌapasulie oto uuri, O ke ariꞌapasie oto uri o ke asuie walu ola ke tohungei sada oto mala nga taa nou haataꞌinie aamu taꞌau i lengine toloi henue. Eksodas 25:40

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Haataꞌinge 15:3

na kire ko kanalie kana a Mosis, koni-konihe a God, na kana a Kalei Sipu uuri, “God Aalaha Hahuꞌana Nanama, o esuie mo ola paine na kire tohungei diana oto liutaa. Iꞌoe oto inemauri haahie ahutana mwala, ahutana mo ola o esuiꞌi kire oodotaꞌi na kire toꞌohuu.