Hibru 3:2 - Tataroha Diana

² A God e lio hilisie a Jisas oto huni esu nana, na ahutana mo esunge a God e unuꞌi hunie, e dau i suliꞌi mango oto. E tohungei esu diana nana God, mala a Mosis noꞌone e asu diana nana God kaꞌu aana e lio i sulie uluhe aana nume a God oto i naꞌo.

Hibru 3:2 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 15:10

Mala omu ko tola i sulie mo haꞌatolanga ineu, haꞌalaa omu ko iiꞌo susu i laona manata-diananga ineu, mala oto ineu nou lulu i sulie mo haꞌatolanga Aamaku na nou iiꞌo i laona manata-diananga ingeie.

Tataroha Diana I Sulie A Jisas Kraes Nge A Jon E Uusue 17:4

Nou haꞌamanikuluꞌaꞌo oto mai aano i leu aana nou haꞌamangoa oto mei esunge o niie hunieu uri ne ke asuie.

Tataroha Diana I Sulie A Jisas Kraes Nge A Jon E Uusue 7:18

Aana iinoni nge ko ere mola tohune, ingeie ngeena ko loꞌohie mola haꞌapainaꞌalana maraana ni ngeena. Taꞌe a tei nge ko sare haꞌapainaꞌaa iini e uusungeꞌinieu mei, nge iini urine ko ere toꞌohuu na nga mei eeronga haꞌike loꞌu aana.

Tataroha Diana I Sulie A Jisas Kraes Nge A Jon E Uusue 8:29

Na iini e uusungeꞌinieu mei, ingeie taane peꞌieu, e kaꞌa toliꞌaasieu ike mola maraaku, aena aana no ko hele i sulie saena mola tarau.”

Epesas 2:22

Aena aana omu iiꞌo ruru oto peꞌie a Kraes, a God e asuie oto hunie omu ke iiꞌo ruru peꞌie ahutana mo iinoni kire hiiwalaimoli aana a Kraes, na omu meni neꞌie ngaeta nume maaꞌi nge Liꞌoa Maaꞌi a God e iiꞌo aana.

1 Timoti 1:12

No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.