Hibru 3:13 - Tataroha Diana

¹³ Taꞌe siꞌiri, maholo omu toꞌo aana ue nga dinge huni peꞌiꞌomu heiliu, nge omu ke haꞌa-aꞌailaꞌaa hiiwalaimolinge iꞌomu heiliu. Omu ke asu ooni-ooni urine suli dinge mwaanie oorahaꞌaa e eeroꞌomu na e haꞌamaꞌutaꞌaa saemiu honosie a God.

Hibru 3:13 ပူးပေါင်းရင်းမြစ်များ

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Uusu-uusu A Pol Hurula'aa Hunie Mo Rom 7:11

Iau, oorahaꞌaa e toolea mo wala aana mo Haꞌatolanga na e eeroau huni deu huꞌisiꞌi, hunie ne ke roroꞌa aani, na ne ke mae haahiꞌi.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

1 Tesalonaeka 4:18

Aena urinena, omu ke ere-ere haꞌasusuꞌomu heiliu aana mo wala ienini.

1 Tesalonaeka 5:11

Aena urinena, omu ke ere haꞌasusuꞌomu heiliu na omu ke peꞌiꞌomu heiliu oto mala omu ko esuie ngeena.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Hibru 13:22

No ko eitanaiꞌomu, maeni eesiku maaꞌi, uri omu ke rongo diana aana mei wala ni haꞌasusulemiu ienini, aana nou kaꞌa uusu-uusu tewa ike.

Jemes 1:14

Taꞌe aaelanga nge iinoni e saetoꞌo aana, mei aaelanga ngeena nge ko malaahongana iinonine. Aena aana saehanalinge aaela ingeie ni e naꞌona huni esuie aaelanga ngeena.