Hibru 2:6 - Tataroha Diana

⁶ Taꞌe e niie mola hunie mo iinoni ke aalaha haahie, oto mala ngaeta iini e unue hunie a God kaꞌu i laona mo Uusu-uusu Maaꞌi uuri, ?E ue kaꞌu ni iꞌemi mo iinoni emi roroꞌa huniꞌo? ?E ue kaꞌu ni o ko neꞌisae paine haahiꞌemi mo iinoni mamaelaꞌa?

Hibru 2:6 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 1:68

“Kolu ke paalahea God, Aalaha ikie mo Israel, aana e lae mai huni peꞌikie mo iinoni ingeie, na e tapa-oolisikie.

Tataroha Diana I Sulie A Jisas Kraes Nge A Luk E Uusue 1:78

Aena aana aamasinge a God ikie mone, ingeie kei siho mai uure taꞌau i Lengi mala sato ko pwaa,

Tataroha Diana I Sulie A Jisas Kraes Nge A Luk E Uusue 7:16

Oto ahutana mwala ko meni pangataꞌi na kire ko soi haꞌamanikuluꞌaa God uuri, “!Nga propet paine liutaa kaꞌu e taꞌelaꞌi i matolakaelu ie! !A God e lae oto mai huni haꞌa-uurie mo iinoni ingeie!”

1 Tesalonaeka 4:6

Na mwaanie nga iini eemiu e wae-waelie auhenue ingeie aani aeni-olanga peꞌie keni ingeie. Melu haꞌapasuliꞌomu keꞌu oto aana mei ola ienini, aana a Aalaha kei haꞌaloie mo iini ko deu urine.

Hibru 4:4

Na kie saie taane oto uri e pwani iiꞌo aakau oto, aena aana ngaeta leu i laona mo Uusu-uusu Maaꞌi e ere i sulie hiune nga dinge uuri, A God e haꞌaholaa taꞌena nga ola mango, e si mamalo aana hiune nga dinge. Jenesis 2:2

Hibru 5:6

Na e teꞌuri loꞌu aana ngaeta leu, O kei neꞌi pris oto huu, mala a Melkisedek. Sam 110:4

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.