Hibru 13:7 - Tataroha Diana

⁷ Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.

Hibru 13:7 ပူးပေါင်းရင်းမြစ်များ

Matiu 24:45

Oto a Jisas ko heꞌi unue loꞌu uuri, “?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Tataroha Diana I Sulie A Jisas Kraes Nge A Luk E Uusue 12:42

Oto a Jisas ko aalamie a Pita uuri, “No ko unue huniꞌomu na hunie taꞌena nga iini e saenanau. ?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Tataroha Diana I Sulie A Jisas Kraes Nge A Luk E Uusue 5:1

Ngaeta hai dinge a Jisas e uure i reune Aasi I Kalili na mwala hunge kire loko noꞌone mai saana. Oto mwala ngeena kire ko uure suꞌu-suꞌuie, aena aana kire ko sare rongoa walana God.

Tataroha Diana I Sulie A Jisas Kraes Nge A Luk E Uusue 8:11

Na a Jisas e heꞌi unue loꞌu uuri, “Loꞌongaꞌinge aana aalahuunge ienini e lae uuri. Mo lite walana God ni ngeena.

Palonga 13:46

Taꞌe a Pol na Banabas kirerue mwaka aada mola na kirerue ko teꞌuri, “E adona walana God unulana ke holaꞌi lae oto huniꞌomu, taꞌe aena aana omu ko leledie mei ola ienini, nge omu haataꞌinie oto uri omu kaꞌa malisine ike helesilana maurihe huu. Aena urine nge mere kei lae oto mwaaniꞌomu na mere kei lae oto i saana mo Aapoloa Aaopa.

Palonga 14:23

Na i laona ahutana mo soihaadaꞌinge kirerue lio hilisie mo naꞌohai mwane huni naꞌoda. Na kirerue iiꞌo mola peꞌie oolongaunge na aarengaꞌinge talada, na kirerue toliꞌaasire mola hunie a Aalaha, iini nge kire hiiwalaimoli oto aana.

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Uusu-uusu A Pol Hurula'aa Hunie Mo Rom 10:17

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

1 Korinit 11:1

Oto omu ke lae i sulie tolahaku mala ineu no ko lae i sulie tolahana a Kraes.

1 Korinit 4:16

Oto no ko eitanaiꞌomu hunie omu ke haimaanieu.

Pilipae 3:17

Hoe, iꞌomu maeni eesiku, omu ke lulu i sulieu, na omu ke lio susulie mo iini nge kire ko lae i sulie tala nge melu haataꞌinie aamiu.

1 Tesalonaeka 1:6

Oto maholo omu hiiwalaimoli aana Tataroha Diana, omu heimaanie oto mo tolahai ola diana iꞌemeelu na aana Aalaha ikie. Na maꞌalana omu sapesalu hiitoꞌo kaꞌu i tehulaꞌana Tataroha Diana ngeena, taꞌe a Liꞌoa Maaꞌi e asuie omu ko ile-ilenimwaꞌe mola haahie.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

2 Tesalonaeka 3:7

Iꞌomu maraamiu na omu saie oto uri omu ke lulu i sulie oto tolahameelu. Aana maholo melu oꞌoꞌo peꞌiꞌomu, melu kaꞌa lalawa ike huni esu.

2 Tesalonaeka 3:9

Maholo melu ko lae peꞌi esu urine, e kaꞌa ike i sulie uri melu kaꞌa toꞌo aana nga nanamanga huni da peꞌinge mwaaniꞌomu. !Haꞌike! Taꞌe melu sare haataꞌinie mola aamiu uri tohungei tala diana hunie uri omu ke lae i sulie ni otona.

1 Timoti 3:5

(?Mala uri nga iini e kaꞌa sai lio i suli diana aana uluhe ingeie maraana, haꞌalaa ke si lio i suli diana aana soihaadaꞌinge a God uri taa eena?)

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Hibru 13:24

Omu ke niie mei wala ni saediananga iꞌemeelu hunie ahutana mo naꞌohai iinoni iꞌomu na loꞌu hunie ahutana mo iinoni maaꞌi a God wau i seemiu. Mo eesikaelu mai leu aana poꞌo ni henue i Italia kire ko niie noꞌone wau saediananga ikire huniꞌomu.

Hibru 6:12

Mwaanie omu lalawa ni esu, taꞌe saeku uri omu ke uusulie mo iini kire hiiwalaimoli aana a God oto wau i naꞌo, aana kire iiꞌo peꞌi maaꞌoohinge susutoꞌo oto mola, nge kire si helesie nga taa nge a God e haiholotaꞌi huni niie hunire.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.

Haataꞌinge 20:4

Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.

Haataꞌinge 6:9

Oto a Kalei Sipu ngeena e tahanie loꞌu limana nga hui edi, na nou leesie i hahana ora ni uunu-uunu, maurihaꞌana mo iini nge horoꞌilada e lae aana kire hiiwalaimoli na kire tarohaꞌinie walana God.