Hibru 13:3 - Tataroha Diana

³ Na omu ke loꞌo-loꞌongaꞌinie mo iini ikire i laona nume ni hoꞌo, oto mala uri iꞌomu noꞌone peꞌire i laona nume ni hoꞌo. Na omu ke loꞌongaꞌinie mo iini ko sapesalu, mala uri iꞌomu, omu ko sapesalu noꞌone peꞌire.

Hibru 13:3 ပူးပေါင်းရင်းမြစ်များ

Matiu 25:36

Na maholo nou kaꞌa toꞌo aana nga mei ola huni hoꞌosie, omu nii sala nakue. Nou siꞌohaꞌa aani maelaa, omu lio i sulieu. Nou iiꞌo i nume ni hoꞌo, na omu maatolieu.’

Matiu 25:43

Na maholo nou iiꞌo mwaakule, omu kaꞌa niie ike nga mo ola ni hoꞌosiꞌi ineu. Na maholo nou siꞌohaꞌa aani maelaa na nou iiꞌo i laona nume ni hoꞌo, omu kaꞌa kele maatolieu loꞌu.’

Palonga 24:23

Na e unue ngaeta ramo paine haahie tangalai ramo ke kakalie a Pol, taꞌe ke lio rako aana a Pol na ke toliꞌaasie mo malahune ke peꞌie aana mo ola e saetoꞌo aani.

Palonga 27:3

Oto aana dinge i puri nge melu si lai aarapuu aana huilume i Saedon. A Jiulias mone ko aamasie a Pol, oto e toliꞌaasie mola ke lai leesie mo malahune wau i leune hunie kire ke peꞌie aana taꞌena nga mei ola e saetoꞌo aana.

Uusu-uusu A Pol Hurula'aa Hunie Mo Rom 12:15

Omu ke ilenimwaꞌe peꞌie mo iini ko ilenimwaꞌe, na omu ke saehuu peꞌie mo iini ko saehuu.

1 Korinit 12:26

Mala uri nga taꞌa-taꞌa sasarai ola aana sape ko sapesalu, nge ahutana mo sasarai ola ko meni sapesalu tararuru oto peꞌie. Na mala uri nga taꞌa-taꞌa sasarai ola haꞌamanikuluꞌalana ko lae, nge ahutana mo sasarai ola ko meni ilenimwaꞌe tararuru oto noꞌone peꞌie.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Kolosi 4:18

Ineu a Pol ni no ko niie saediananga ienini huniꞌomu, na no ko uusue oto mo wala ooreta ienini maraaku. Omu ke aamasitoꞌo aaku aana ineu i nume ni hoꞌo. No ko eitanaie a God hunie hahuꞌana manata-diananga ingeie ke iiꞌo peꞌiꞌomu.

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.

Hibru 11:37

Ngaeta mo iini, mo maelonga ikire, kire uuꞌi maesire aani heu, na kire roto holosire, na kire horo maesire aani naihi. Mo iini e hiiwalaimoli urine, kire tohungei meitale oto, hule aana kire sai hoꞌosie mola mo teꞌe-teꞌei sipu na mo teꞌe-teꞌei nanikot mala mo toꞌoni ikire. Na mo maelonga kire sai haꞌasiꞌohaꞌara peꞌi haꞌamotaahilada.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.