Hibru 13:23 - Tataroha Diana

²³ Na saeku uri omu ke saie uri aasikaelu a Timoti kire haꞌa-iisitaangaꞌinie oto mwaanie nume ni hoꞌo. Na mala uri ko hule aaku lau-leu, nge mere kei meni lae oto wau huni leesiꞌomu.

Hibru 13:23 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 15:25

Taꞌe no ko holaꞌi lae kaꞌu taꞌau i Jerusalem peꞌie kele mei toꞌoha huni peꞌie mo eesike maaꞌi taꞌau.

Uusu-uusu A Pol Hurula'aa Hunie Mo Rom 15:28

Oto i purine ne kei haꞌamangoa niilana mei toꞌoha ngeena hunie kira maitale taꞌau i Jerusalem, na nou saie uri kire hele aana oto, nge ne ke si liu weu i seemiu aana ne ke lae hunie poꞌo ni henue i Spen.

Kolosi 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

1 Timoti 6:12

Mo ola oto hunge kei uure huni ooho honosie hiiwalaimolinge iꞌoe, taꞌe o ke ooho diana mola, na o ke hele maꞌutaꞌa aana maurihe huu. A God e soiꞌo hunie maurihe maholo o unu tahangaꞌinie i naꞌona ruruhaa uri o hiiwalaimoli aana a Jisas.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

Pilimon 1:1

Saediananga mwaaniꞌemereꞌi a Pol na a Timoti, huniꞌo Pilimon. Ineu a Pol, nou iiꞌo i nume ni hoꞌo i tehulaꞌana asunge a Jisas Kraes, na aasike maaꞌi a Timoti ko peꞌieu ienini huni uusu-uusu weu huniꞌo, Pilimon. Iꞌoe, o tohungei esu diana peꞌiꞌemeelu nana God, na iꞌoe oto tohungei malahumeelu.

Pilimon 1:22

Ngaeta leu loꞌu, nou saetoꞌo aana o ke dau aakau aana nga leu talaku i nume iꞌoe, sulie nou norutoꞌo aana uri a God kei rongo mola hunie mo aarengaꞌinge iꞌomu hunie ne ke lae wau i seemiu.

Haataꞌinge 7:14

Oto nou aalamie uuri, “Nou kaꞌa saie ike, poro paine ineu, taꞌe iꞌoe haꞌalaa o saie.” Oto rato ni mwane ngeena e si teꞌuri hunieu, “Mwala ngeena, ikire nge kire uure maꞌutaꞌa aana maholo taungeꞌinilada e lae na kire iiꞌo i laona siꞌohaꞌanga paine. Kire hoda rereꞌa oto aana mo toꞌoni ikire aana apune a Kalei Sipu.