Hibru 13:20 - Tataroha Diana

^20-21 Oto no ko aarea God nge ingeie oto aahuꞌine hanuelamanga na e taꞌea loꞌu a Jisas aalihoꞌi mwaanie maenga, uri ke niie huniꞌomu taꞌena nga ola diana hunie omu ke si toꞌo aana nga taa kei peꞌiꞌomu huni esu i sulie saena. No ko eitanaie uri ke asu i lalo aamiu aana nanamanga a Jisas Kraes hunie omu ke haꞌasaedianaꞌaa saena. A Jisas oto Aalaha ikie, na ingeie oto naꞌohai Kakalihe honotana mo sipu. Aana maenga honotaka mala nga uunu-olanga, nge e si haꞌawalaimoliꞌaa mei heiholotaꞌinge nge e sai iiꞌo huu ngeena. Oto aena leune kie ke si soi haꞌamanikuluꞌaa a Kraes oto di. !Iau! !Ke urine oto!

Hibru 13:20 ပူးပေါင်းရင်းမြစ်များ

Matiu 26:28

aana apuku ni ienini nge ko haꞌa-oaie haiholotaꞌinge haalu a God ko esuie peꞌie mo iinoni ingeie. Apuku haꞌa-aahesilana ko lae i tehulaꞌana mo iini hunge huni saeꞌaasie mo oorahaꞌaa ikire.

Tataroha Diana I Sulie A Jisas Kraes Nge A Mak E Uusue 14:24

Oto a Jisas ko teꞌuri, “Apuku oto ienini nge e aahe i tehulaꞌana mwala hunge, na mei epu nge ko haꞌa-oaie haiholotaꞌinge haalu a God ko esuie peꞌie mo iinoni ingeie.

Tataroha Diana I Sulie A Jisas Kraes Nge A Luk E Uusue 22:20

E urine loꞌu i purine ngaunge e mango, e hele aana loꞌu kao-kaoi waen, na ko teꞌuri, “Apuku oto ienini nge e aahe huniꞌomu, na mei epu nge ko haꞌa-oaie haiholotaꞌinge haalu a God ko esuie peꞌie mo iinoni ingeie.

Tataroha Diana I Sulie A Jisas Kraes Nge A Jon E Uusue 10:11

“Ineu oto a kakalihe diana, iini e mwaꞌe-mwaꞌe ni mae honotana mo sipu.

Tataroha Diana I Sulie A Jisas Kraes Nge A Jon E Uusue 10:14

“Ineu oto a kakalihe diana. Mala oto a Mamaꞌa e saieu na ineu nou saie a Mamaꞌa, e urine noꞌone mola mala ineu, nou saie mo sipu ineu, na ikire, kire saieu. Na nou mwaꞌe-mwaꞌe oto ni mae honotani.

Palonga 13:30

Taꞌe a God e taꞌea loꞌu mola mwaanie maenga.

Palonga 17:31

Aana e pongie oto hai dinge hunie kei leie walumalau aana, na kei leie mwala oto i sulie nga taa e saie e oodo taꞌingelu. Na e lio hilisie oto iini nge kei leie mwala urine, na e haataꞌi diana aana oto hunie ahutana mwala aana e taꞌea kaꞌu iinine mwaanie maenga.”

Palonga 2:24

Taꞌe a God e taꞌea mwaanie maenga hunie ke iiꞌo luhetaꞌi mwaanie nanamanga aana maenga, i sulie e tohungei aasa hunie maenga kei hele maꞌutaꞌa aana.

Palonga 2:32

Na a Jisas oto a God e taꞌea hunie ke mauri eelihoꞌi mwaanie maenga, na melu tohungei leesie oto aana maameelu.

Palonga 3:15

Nge ko urine, na huulaa ni meurihe nge omu horo maesie oto. Taꞌe a God e taꞌe aalihoꞌi aana loꞌu mola mwaanie maenga, na iꞌemeelu oto melu tohungei leesie aana maameelu.

Palonga 4:10

Oto no ko sare haꞌarongoꞌomu na oto ahutana mwala ni Israel, uri mwane ienini nge e uure oto i naꞌomiu, haꞌa-uurilana e lae mola aana satana a Jisas ni Nasaret na aana nanamanga ingeie. Na ingeie oto omu horoꞌie i lengine poꞌu-poꞌu, taꞌe a God e taꞌea loꞌu hunie ke mauri eelihoꞌi.

Palonga 5:30

Na iꞌomu nge omu horoꞌie a Jisas aana omu uie i lengine poꞌu-poꞌu, taꞌe God nge mo weuwaka i naꞌo kire palo-paloa nge e taꞌea loꞌu mwaanie maenga.

Uusu-uusu A Pol Hurula'aa Hunie Mo Rom 15:33

Na ineu, no ko aarea a God nge ingeie oto aahuꞌine hanuelamanga, ke iiꞌo huu peꞌie ahutemiu. Iau, ke urine oto.

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

1 Korinit 14:33

Aena aana a God e kaꞌa saetoꞌo aana ike uri kie ke talei deu taꞌewau mola aana mo ola aana soihaadaꞌinge, taꞌe e saetoꞌo aana uri kie ke mani iiꞌo hata-hata mola ni henuelama. Oto mala i sulie tolahana ahutana mo soihaadaꞌinge,

1 Korinit 15:15

Na leune e aaela oto liutaa aana e si haataꞌinie oto uri melu ko eerotaꞌinie mola a God, aana melu ko unue uri e taꞌe aalihoꞌi aana a Kraes mwaanie maenga. Aena aana e tohungei aasa hunie a God kei taꞌe aalihoꞌi loꞌu aana a Kraes, mala uri ko toꞌohuu mo iini nge kire mae oto kire saꞌa taꞌelaꞌi loꞌu.

1 Korinit 6:14

na mala a God e haꞌa-uurie sapena a Aalaha mwaanie maenga aana nanamanga ingeie, nge kei haꞌa-uurie sapeka noꞌone urine.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

2 Korinit 4:14

Melu manataꞌinie oto uri a God, iini nge e taꞌea Aalaha ikie a Jisas, kei heꞌi taꞌeꞌemeelu noꞌone loꞌu mala a Jisas, na kei tooleꞌemeelu tararuru peꞌiꞌomu hunie leu nge e iiꞌo aana.

Kalesia 1:1

Saediananga mwaanieu a Pol Hurulaꞌaa huniꞌomu mo iini aana mo soihaadaꞌinge wau aana poꞌo ni henue i Kalesia. A Jisas Kraes na a God Aamaka, kirerue soieu uri hunie ne ke neꞌi hurulaꞌaa, na soileku e kaꞌa lae ike mola aani iinoni wa mwaanie nga pulitaa ni iinoni. !Haꞌike! A God nge e taꞌea a Jisas Kraes aalihoꞌi mwaanie maenga ni e asuie leune urine hunieu. Ahutameelu mo mwaasine aana hiiwalaimolinge mai leu, melu ko niie saediananga iꞌemeelu huniꞌomu,

Epesas 1:20

kaꞌu a God e asu aana maholo e taꞌea a Kraes hunie ke mauri eelihoꞌi loꞌu mwaanie maenga na hunie ke iiꞌo aana naꞌohai iiꞌo-iiꞌoha i pwalo-pwalona taꞌau i Lengi.

Pilipae 4:9

Omu ke dau oto i sulie mo ola nge nou haꞌa-uusuliꞌomu eeni, na loꞌu mo iini omu rongoꞌi eeku, na mo iini nge omu leesiꞌi eeku noꞌone. Omu kei teꞌurine, nge a God iini ko nii-niie hanuelamanga ke si iiꞌo peꞌiꞌomu.

Kolosi 2:12

Oto maholo loto maaꞌilemiu e lae, e urihana a God e haitolingeꞌiniꞌomu oto peꞌie a Kraes, na e taꞌelaꞌiniꞌomu oto loꞌu peꞌie noꞌone hunie mauringe haalu. A God e si esuie urine i tehulaꞌana hiiwalaimolinge iꞌomu aana nanamanga paine ingeie nge e taꞌea a Kraes mwaanie maenga.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

2 Tesalonaeka 3:16

No ko eitanaie a Aalaha aana ingeie maraana oto aahuꞌine hanuelamanga uri ke iiꞌo peꞌiꞌomu na ke niie hanuelamanga ingeie huniꞌomu tarau maꞌalana nga taa ke rau loꞌu.

Hibru 10:29

?Aana e aaela urine hunie iini ko mwaka mola aana Haꞌatolanga a Mosis, haꞌalaa nga taa nge kei reu aana nga iini nge ko mwaka aana Kalena God? !Mei haꞌaloinge oto paine loꞌu liutaa kei hite aana iinoni urine! Kire ko ere aaelasie a Kraes, iini nge ko haꞌawalaimoliꞌaa haiholotaꞌinge a God, na e haꞌamaaꞌie oto iinoni ngeena hunie ke neꞌi iinoni maaꞌi a God. Taꞌe iinoni ngeena mola e loꞌongaꞌinie uri apune a Kraes mei ola mwaakule mola, na ko ere aaelasie noꞌone a Liꞌoa Maaꞌi, iini nge e haataꞌinie hahuꞌana manata-diananga a God hunikie.

Hibru 9:20

Na ko teꞌuri, Mei epu ienini, ola huni haꞌa-uuresie haiholotaꞌinge nge a God e asuie peꞌiꞌomu na e unue hunie omu ke lulu i sulie. Eksodas 24:8

1 Pita 1:21

I tehulaꞌana Kraes mone omu hiiwalaimoli aana a God. Na aena aana a God e taꞌe aalihoꞌi aana a Kraes mwaanie maenga na e niie manikuluꞌanga nana, nge omu sai diana aana uri omu sai hiiwalaimoli oto toꞌohuu aana a God na norutoꞌonga iꞌomu aana haiholotaꞌinge ingeie kei oa toꞌohuu taane.

1 Pita 2:25

Holaꞌinaꞌo omu urihana mo sipu e takalo kaꞌu, taꞌe maholo ie omu eelihoꞌi loꞌu mei huni lulu i sulie a Kakalihe nge e sai lio i sulie maurihaꞌamiu.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.