Hibru 13:14 - Tataroha Diana

¹⁴ Aana nga huilume huu oto talaka haꞌike mai aano i leu, oto kie ko loꞌohie huilume nge kei lae ue mai.

Hibru 13:14 ပူးပေါင်းရင်းမြစ်များ

1 Korinit 7:29

No ko ere urine, maeni eesiku maaꞌi, aana kele maholo oꞌoruꞌe oto mola e si oore. Oto aehota siꞌiri, omu ke neꞌisae paine mola aana God. Oto mo iini omu tola huꞌe, omu ke suꞌuri loꞌongaꞌinie iiꞌo-rurunge mala mei naꞌohai ola iꞌomu.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

Epesas 2:19

Oto iꞌomu mo iini nge iꞌomu nga mo Jiu haꞌike, omu kaꞌa neꞌi awataa ike loꞌu mwaanie ngaeta hanue aaopa. !Haꞌike! Omu neꞌie oto e taꞌa-taꞌa komu ni iinoni a God, na omu neꞌie oto ngaeta mo iinoni aana uluhe ingeie.

Pilipae 3:20

Taꞌe ikie, kie aaopa oto mwaanire, aana kie toꞌo aana hanue huu ikie oto taꞌau i Lengi, na kie ko maa-maaꞌoohie mola a Haꞌa-uuritaka, a Jisas Kraes Aalaha ikie, kei lae mai uure i lengi huni toolekie taꞌau.

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.

Hibru 12:22

Taꞌe ikie, kie hule kaꞌu oto aana toloihenue kie haaraꞌinie aana i Saeon, na huilume paine a God Mau-meuriꞌe otona. Jerusalem taꞌau i Lengi kaꞌu otona, leu nge mo molani ensel kire palo-paloa a God aana, peꞌi ilenimwaꞌenga oto paine.

Hibru 12:27

Mo wala ie, “loꞌu hautaꞌai aana nga maholo” kire haataꞌinie uri a God kei nunuie walu ola e haꞌaholaꞌi, na kei taꞌaasiꞌi oto. Na walu ola nge kire kaꞌa sai eenuleꞌi ike nge mola kire kei iiꞌo huu.

Hibru 2:5

A God e kaꞌa niie ike uri mo ensel ke aalaha haahie walumalau haalu nge kolu ko ere-ere i suliena.

Hibru 4:9

Aena urinena kolu meni saie oto uri mo iinoni a God kire toꞌo aana taane ue nga mamalonga hunie kire ke tohungei mamalo diana.

Hibru 9:11

Taꞌe a Kraes e hule oto mai, na aana e neꞌie oto Hahuꞌana Naꞌohai Pris, nge e haꞌa-uuresie haiholotaꞌinge haalu nge ko haꞌadianaꞌakie oto ienini. E sili oto i laona tohungana nume maaꞌi nge e diana loꞌu liutaa aana nume maaꞌi susulu holaꞌinaꞌo ngeena, ola asuilana e kaꞌa lae ike aana ninimei iinoni na e kaꞌa ola ike aana walumalau ienini.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

Haataꞌinge 3:12

“Na hunie mo iini nge kire kei aꞌailaꞌa taraꞌasi honosie aaelanga, ne kei da kire ke neꞌi hunu oodo aana nume maaꞌi a God ineu, na kire saꞌa lae ike loꞌu mwaanie leune. Na ne kei uusue oolu satai ola aana iini urine—satana a God ineu, na satana Jerusalem haalu a God nge kei siho mai uure taꞌau i Lengi mwaanie a God ineu, na satai ola haalu ineu.