Hibru 13:12 - Tataroha Diana

¹² Na a Jisas e urine noꞌone, aana e mae poꞌoi sinaha aana huilume uri huni haꞌarereꞌaa mwala ingeie mwaanie oorahaꞌaa oto aana apune maraana.

Hibru 13:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 4:29

Oto kire tauleꞌi, kire ko oohea oto taꞌau i lengine tolana uuwo nge hanue ikire e iiꞌo aana, aena aana kire sasare pwelusie i kere-kerena maoꞌi aana leu e aasa.

Tataroha Diana I Sulie A Jisas Kraes Nge A Jon E Uusue 17:19

Na i tehulaꞌada, nou oopaau oto huni esunge mola namue, hunie ikire noꞌone, kire ke oopara maraada mwaanie taꞌena nga oorahaꞌaa huni esunge noꞌone namue.”

Tataroha Diana I Sulie A Jisas Kraes Nge A Jon E Uusue 19:34

Ngaeta iini aana mo ramo e otomie paparaꞌana Jisas aana noma, oto aapu na wai e tolana pwisitaa oto.

Palonga 7:58

na kire ko weꞌi ookea oto mwaanie huilume, na kire ko aehota huni uuꞌi maesie oto aani heu. Oto mo iini nge kire ko heliwala peꞌie a Stivin kire si haꞌa-oorea mo toꞌoni tetewa ikire i saana mwane satana a Sol hunie ke lio i suliꞌi.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

Epesas 5:26

hunie uri soihaadaꞌinge ke neꞌi iinoni maaꞌi a God. E haꞌarereꞌara urine aana maholo e lotohire aani wei, aena aana kire hiiwalaimoli aana walana.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:29

?Aana e aaela urine hunie iini ko mwaka mola aana Haꞌatolanga a Mosis, haꞌalaa nga taa nge kei reu aana nga iini nge ko mwaka aana Kalena God? !Mei haꞌaloinge oto paine loꞌu liutaa kei hite aana iinoni urine! Kire ko ere aaelasie a Kraes, iini nge ko haꞌawalaimoliꞌaa haiholotaꞌinge a God, na e haꞌamaaꞌie oto iinoni ngeena hunie ke neꞌi iinoni maaꞌi a God. Taꞌe iinoni ngeena mola e loꞌongaꞌinie uri apune a Kraes mei ola mwaakule mola, na ko ere aaelasie noꞌone a Liꞌoa Maaꞌi, iini nge e haataꞌinie hahuꞌana manata-diananga a God hunikie.

Hibru 2:11

Ingeie oto ko da hunie mwala ke neꞌi iinoni maaꞌi, na ahutana mo iini e haꞌamaaꞌire ngeena, ikire taꞌa-taꞌa uluhe ni iinoni oto peꞌie. Oto aena urinena nge a Jisas e kaꞌa masa ike huni haaraꞌinire uri maeni eesine,

Haataꞌinge 14:20

E toolera mola i sinaha mwaanie huilume, na arasilada ko lae oto. Oto e losie nimei hero ngeena, na apu mola ko aahe mwaanie ai loi-losi ngeena. Apune kira oorahaꞌaa e aahe ngeena na e kone mala wai ko kone, na totoho aana apu e aahe ngeena e lae haꞌatau hunie oolu tangalai kilomita, na e kokoro nga tahanga.