Hibru 12:5 - Tataroha Diana

⁵ E lio oto mala omu pulongosie mola mei wala ni haꞌa-aꞌailaꞌaꞌomu nge a God e unue. Aana e soiꞌomu mala mo kalena, na e unue uuri, Kaleku, maholo o ko deu aaela na ineu a Aalaha no ko haꞌaloiꞌo hunie o ke lae oodo, mwaanie o loꞌo-loꞌongaꞌinie uri nga mei ola mwaakule mola ni ngeena. Na maholo no ko ere aamu hunie uri o ke lio saie mo takalonga iꞌoe, mwaanie saemu e wawai wa o aakohetaꞌinie tala diana ngeena.

Hibru 12:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 24:6

Ingeie haꞌike oto i leu, taꞌe e taꞌelaꞌi oto. Omu ke aamasitoꞌo aana nga taa e unue huniꞌomu maholo na ingeie ue peꞌiꞌomu hai Kalili. Aana e unue uuri,

Tataroha Diana I Sulie A Jisas Kraes Nge A Luk E Uusue 24:8

Oto mo keni kire si aamasitoꞌo aana nga taa a Jisas e unue.

1 Korinit 11:32

Taꞌe maholo a Aalaha ko leikie wa ko haꞌaloikie ko esu urine hunie leilaka ke suꞌuri lae tararuru loꞌu peꞌie leilana mo iinoni ni oorahaꞌaa hunie maenga.

Kalesia 6:9

Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.

1 Timoti 1:20

A Haemeneas na a Aleksanda ikirerue e ro iini aana mwala urine nge hiiwalaimolinge ikire e aaela taꞌingelu mala haka e aape. Oto nou toliꞌaasirerue oto hunie a Pwelu Eero-eero, uri hunie kirerue ke lio saie nga taa kei reu aana mo iini kire ko sare ere mwakataꞌinie a God.

Hibru 12:7

Oto omu ke uure maꞌutaꞌa mola maholo mo aasanga ko hite aamiu, aana e urihana haꞌaloinge mola ni ngeena, na leune e haataꞌinie uri a God ko lio i suliꞌomu oto mala mo kalena. Aana ahutana mo mamaꞌa kire ko haꞌa-haꞌaloie mo kaleda.

Hibru 13:22

No ko eitanaiꞌomu, maeni eesiku maaꞌi, uri omu ke rongo diana aana mei wala ni haꞌasusulemiu ienini, aana nou kaꞌa uusu-uusu tewa ike.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.