Hibru 11:31 - Tataroha Diana

³¹ Aani hiiwalaimolinge mone, repi ngeena, a Rehab, e tola konie e ro mwane ni Israel nge kirerue lae mai lio-lio mumuni hunie i Jeriko mala mo wao-wao, na aena leune e kaꞌa mae ike peꞌie mwala nge kire kaꞌa tola i sulie ike a God.

Hibru 11:31 ပူးပေါင်းရင်းမြစ်များ

Matiu 1:1

Ie uusu-uusu aana mo naꞌohai weuwana a Jisas Kraes uure oto mai aana pongine a Ebraham lae mai hule aana a Deved Inemauri, na hunie a Jisas Kraes.

Matiu 1:5

na a Salmon aamana Boas (nikana a Rehab), na a Boas aamana Obed (nikana a Rut), na a Obed aamana Jesi,

Palonga 15:33

Maholo kirerue iiꞌo tewa mango i Antiok, mo mwaasine i lalo aana Kraes kire si toliꞌaasirerue aani henuelamanga na kirerue si eelihoꞌi loꞌu i saana mwala i Jerusalem nge kire uusungeꞌinirerue mai.

Hibru 3:18

?Oto kira tei keꞌu nge a God e tohe na e unue uri kire saꞌa hule ike aana leu ni mamalo nge e dau aakau aana loosire? Ikire oto mo iini nge kire tohungei sai heitohea God.

Jemes 2:25

Nge e urine noꞌone mala a Rehab. Ingeie ngaeta repi, taꞌe loꞌu mei puri e oodotaꞌi peꞌie a God aana asunge diana e asuie. Aana e tola konie mo wao-wao mo Jiu i laona nume ingeie. Na e peꞌire aana e haꞌatolara aalihoꞌi i sulie ngaeta tala aaopa mwaanie mo ramo e horoꞌire.

1 Pita 2:8

Na aana ngaeta leu loꞌu, mo Uusu-uusu Maaꞌi e ere loꞌu i sulie uuri, Hau ngeena oto ola huni haꞌatataroa mwala, na kire sai domu aaela i tehulaꞌana. Aesaea 8:14 Kire ko domu aaela urine, aena aana kire kaꞌa tola ike i sulie walana God. Na mwala hai-heitohe urine kire kei domu aaela oto urine, aana taꞌa-taꞌa tala mola hunie haꞌamangolada.