Hibru 11:19 - Tataroha Diana

¹⁹ A Ebraham e hiiwalaimoli uri a God e sai taꞌelaꞌinie loꞌu mo iini e mae oto, na kie sai unue uri a Aesak e urihana e mauri eelihoꞌi loꞌu mwaanie maenga aana maholo a Ebraham e tola aalihoꞌi aana.

Hibru 11:19 ပူးပေါင်းရင်းမြစ်များ

Matiu 12:36

“No ko unue oto huniꞌomu uri aana dinge ni leinge taꞌena nga mei wala oto mola mo iinoni ko talei unu-unue, iidumileni kei lae.

Matiu 9:28

Oto a Jisas e lai sili i nume, e ro ulune kirerue ko si lae mai saana. Na a Jisas ko dolosi aadarue uuri, “?Uri more hiiwalaimoli taane aana nou sai haꞌa-uuriꞌomoreꞌi?” Oto kirerue ko aalamie uuri, “Iau, Aalaha, mere hiiwalaimoli oto.”

Uusu-uusu A Pol Hurula'aa Hunie Mo Rom 5:14

Leesie kaꞌu nga taa e rau aana mo iinoni uure oto mai aana pongine a Adam lai hule aana pongine a Mosis. Kire kaꞌa haitohea ike mei wala nge a God e unue hunire mala a Adam e asuie, taꞌe kire mani mae mola, na leune e haataꞌinie uri kire mani oorahaꞌaa. A Adam, ingeie nge eetana nga mwane, domana oto nunune eetana nga mwane aana haꞌaholanga haalu mei puri, aana nga taa kirerue a Adam na a Kraes kire asuie e toꞌohie ahutana mwala.

Epesas 3:20

Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Hibru 9:9

Walu ola ngeena domana mola nga nunui ola huni haataꞌinie loꞌongaꞌinge aana nga taa ko reu-reu aana maholo ienini. Aana mo uuraaꞌinge na mo uunu-olanga nge mo pris kire lae peꞌi euꞌesuiꞌi hunie a God, kire saꞌa roroꞌa ni esuie ike manatana iinoni ko palo-palo ngeena hunie ke rereꞌa na ke oodotaꞌi.