Hibru 11:17 - Tataroha Diana

¹⁷ Aani hiiwalaimolinge mone, nge a Ebraham e mwaꞌe-mwaꞌe mola huni toliꞌaasie kalena, a Aesak, maholo a God e oohongie. E toꞌo aana mola taꞌa-taꞌa mwela madu, taꞌe e mwaꞌe-mwaꞌe mola huni niie mala nga uunu-olanga i saana God, maꞌalana uri a God e haiholotaꞌinie kaꞌu hunie uuri,

Hibru 11:17 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 3:16

A God e tohungei manata diana hunie walumalau, hule aana e uusungeꞌinie taꞌa-taꞌa mwela mouteꞌi ingeie ke mae oalana, hunie taꞌena nga iini ko hiiwalaimoli aana ke suꞌuri eiꞌaa, taꞌe ke helesie maurihe huu i tehulaꞌana.

2 Korinit 8:12

Mala uri omu ko mwaꞌe-mwaꞌe toꞌohuu huni niie nga mei ola, nge a God kei tohungei ilenimwaꞌe haahie leune. Na mwaanie omu tolahiꞌe mala uri niinge e kaꞌa paine ike, aana e kaꞌa unue ike uri kie ke niie mo ola kie kaꞌa toꞌo aani ike.

Hibru 11:13

Mwala urine ngeena, kire lae peꞌi hiiwalaimoli aana God, oto hule aana maelada. Taꞌe maholo kire oꞌoꞌo ue mai laona walumalau, kire kaꞌa helesie ike walu ola nge a God e haiholotaꞌi huni niiꞌi nada. E urihana uri kire uure mola haꞌatau kire ko si lee-leesiꞌi, na kire ilenimwaꞌe huni lio saie nga taa kei reu. Na kire unu tahangaꞌinie oto uri kire oꞌoꞌo mola mala mo awataa i welumalau.

Hibru 7:6

Taꞌe maꞌalana a Melkisedek ngeena e kaꞌa uure ike mwaanie komu a Livae, taꞌe e toolea tangahuluꞌana mola mwaanie a Ebraham, na leune e haataꞌinie uri ingeie mwane paine liutaa. Na loꞌu, maꞌalana kie ko haꞌamaꞌu aana Ebraham aana haiholotaꞌinge a God e lae oto hunie, taꞌe a Melkisedek e paine loꞌu liutaa aana a Ebraham. Aana a Melkisedek ni e haꞌadianaꞌaa a Ebraham,

Jemes 5:11

Kolu unue uri kire iiꞌo ni saediananga, sulie kire kaꞌa mamalo ike mwaanie asunge a God. Omu rongoa kaꞌu uri a Job e maaꞌoohi susutoꞌo, na omu saie taane uri a God e nii sapeie loꞌu hunie aana toꞌo-toꞌonga ingeie i puri. Oto omu meni saie oto uri a God e honu aana aamasinge na manata-diananga.

1 Pita 4:12

Maeni iinoni maaꞌi ineu, maholo ienini omu ko tohungei sapesalu oto hiitoꞌo aana mo ola ko lae peꞌi hite aamiu. Mwaanie omu pangataꞌinie walu ola urine na omu loꞌongaꞌinie uri walu ola ngeena ke suꞌuri hite aamiu. !Haꞌike!

Haataꞌinge 3:10

Oto aena aana omu hele susuleꞌi i sulie haꞌatolanga ineu, nge ineu noꞌone ne kei kinetaꞌiniꞌomu mwaanie maholo ni siꞌohaꞌanga nge ko lae mai huni oohongie ahutana mwala i laona walumalau.