Hibru 11:13 - Tataroha Diana

¹³ Mwala urine ngeena, kire lae peꞌi hiiwalaimoli aana God, oto hule aana maelada. Taꞌe maholo kire oꞌoꞌo ue mai laona walumalau, kire kaꞌa helesie ike walu ola nge a God e haiholotaꞌi huni niiꞌi nada. E urihana uri kire uure mola haꞌatau kire ko si lee-leesiꞌi, na kire ilenimwaꞌe huni lio saie nga taa kei reu. Na kire unu tahangaꞌinie oto uri kire oꞌoꞌo mola mala mo awataa i welumalau.

Hibru 11:13 ပူးပေါင်းရင်းမြစ်များ

Matiu 13:17

Aana no ko unue oto huniꞌomu uri hungelana mo propet na mo mwane oodotaꞌi kire tohungei sasare leesie mo ola omu ko leesiꞌi ie, taꞌe kire kaꞌa lio mangini, na uri huni rongoa mo ola omu ko rongoꞌi ie, taꞌe kire kaꞌa rongo lelengani.”

Tataroha Diana I Sulie A Jisas Kraes Nge A Jon E Uusue 12:41

A Aesaea e unue walu olana, aana e leesie manikuluhaꞌana a Jisas na e ere oto i sulie.

Tataroha Diana I Sulie A Jisas Kraes Nge A Jon E Uusue 8:56

Weuwaka a Ebraham e sae-sae diana aana e loꞌongaꞌinie kei leesie pongiku. Oto e leesieu taane, na e tohungei saemango oto hiitoꞌo.”

Uusu-uusu A Pol Hurula'aa Hunie Mo Rom 4:21

Aana e sai diana aana mola uri a God kei haꞌa-oaie haiholotaꞌinge ingeie.

Uusu-uusu A Pol Hurula'aa Hunie Mo Rom 8:24

A God e haꞌa-uurikie oto, na aani hiiwalaimolinge aana walana, kie ko si maa-maaꞌoohie mola mo ola e unue kei niiꞌi naka. Nga iini saꞌa talei maa-maaꞌoohie ike mei ola e rau mango oto, taꞌe kei maaꞌoohie mola mei ola e kaꞌa rau ue. Na ikie, kie kaꞌa leesie ue nga taa kie ko maa-maaꞌoohie ngeena, taꞌe kie ko maa-maaꞌoohi susutoꞌo mola.

2 Korinit 4:18

Oto melu kaꞌa neꞌisae paine ike mola haahie mo ola nge kie sai leesiꞌi, taꞌe melu neꞌisae paine haahie mo ola nge kie kaꞌa sai leesiꞌi ike aana maaka. Aana mo ola nge kie sai leesiꞌi aana maaka, kire kaꞌa sai iiꞌo tewa ike. Taꞌe mo ola nge kie kaꞌa sai leesiꞌi ike aana maaka, nge haꞌalaa kire sai iiꞌo huu.

2 Korinit 5:6

Oto kie kaꞌa maꞌu ike taꞌe saeka e susu mola. Kie saie taane uri maholo kie iiꞌo ue i laona mei sape ni welumalau, kie kaꞌa iiꞌo ike ue taꞌau i Lengi i saana a Aalaha.

Epesas 2:19

Oto iꞌomu mo iini nge iꞌomu nga mo Jiu haꞌike, omu kaꞌa neꞌi awataa ike loꞌu mwaanie ngaeta hanue aaopa. !Haꞌike! Omu neꞌie oto e taꞌa-taꞌa komu ni iinoni a God, na omu neꞌie oto ngaeta mo iinoni aana uluhe ingeie.

Hibru 11:14

Mwala nge kire ko ere-ere urine ngeena, kire haataꞌi diana aana oto uri kire ko loꞌohie tohungana hanue ikire ni ngeena.

Hibru 11:17

Aani hiiwalaimolinge mone, nge a Ebraham e mwaꞌe-mwaꞌe mola huni toliꞌaasie kalena, a Aesak, maholo a God e oohongie. E toꞌo aana mola taꞌa-taꞌa mwela madu, taꞌe e mwaꞌe-mwaꞌe mola huni niie mala nga uunu-olanga i saana God, maꞌalana uri a God e haiholotaꞌinie kaꞌu hunie uuri,

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.

Hibru 11:39

Ahutada ngeena kire mani hiiwalaimoli aana God, na ingeie oto ko tohungei lahera oto liutaa. Taꞌe kire kaꞌa hele aana ike ue nga taa e haiholotaꞌinie hunire,

1 Pita 1:1

Saediananga mwaanieu a Pita, hurulaꞌaa a Jisas Kraes, huniꞌomu mo iinoni a God wau aana mo poꞌo ni henue i Pontas na i Kalesia na i Kapadosia na i Esia na i Bitinia. No ko uusu-uusu weu huniꞌomu mo iinoni a God nge omu ko iiꞌo mala mo awataa aana omu iiꞌo tatanga mola hailiu aana mo poꞌo ni henue ngeena.

1 Pita 1:17

Omu ko haa-haaraꞌinie a God uri ingeie oto Aamamiu, na e toꞌohuu oto. Taꞌe aama-aamasitoꞌo aana uri e kaꞌa sai rara haahie ike mola nga iini. Aana ingeie ko lei sada mola aana ahutana iinoni i sulie helelada. Aena urinena, maholo omu ko meu-meuri ue mai laona walumalau, nge omu ke iiꞌo diana oto mai laona walumalau peꞌi haꞌamaꞌunge aana taraureꞌi.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

1 Jon 3:19

Mala uri kie ko manata diana hunikie hailiu urine, nge kie ko saie oto uri kie iiꞌo aana tala toꞌohuu, na kie saꞌa maꞌu ike huni lae mai i saana God.