Hibru 10:5 - Tataroha Diana

⁵ Aena urine kaꞌu, maholo a Kraes e lae mai laona walumalau, e unue hunie a God uuri, O kaꞌa saetoꞌo aana ike uri kire ke asuie nga mo uunu-olanga i seemu wa kire ke niie mo uuraaꞌinge huniꞌo, taꞌe o niie oto mei sape nakue hunie ne ke tola i suliꞌo urine.

Hibru 10:5 ပူးပေါင်းရင်းမြစ်များ

Matiu 11:3

“?Uri iꞌoe ni oto a Haꞌa-uuri kei lae mai, wa melu kei maaꞌoohie ue nga iini aaopa?”

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Tataroha Diana I Sulie A Jisas Kraes Nge A Luk E Uusue 7:19

Oto ko uusungeꞌinire i saana a Jisas hunie uri kire ke lai dolosi aana uri ohe ingeie ni oto a Haꞌa-uuri nge kire hiiwalaimoli aana uri kei lae mai, wa ohe kire kei maaꞌoohie ue nga iini aaopa.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Kalesia 4:4

Taꞌe e lae mai hule aana maholo oto hunie, nge a God e uusungeꞌinie mai a kalena i laona walumalau. E hute mai aani iinoni na e iiꞌo oto i mamalutana mo Haꞌatolanga a Mosis.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Hibru 1:6

Na maholo a God e uusungeꞌinie Hahuꞌana Mwela Mouteꞌi ingeie mai i laona walumalau, oto e unue hunie ahutana mo ensel ingeie uri kire ke mani palo-paloa oto. Sam 97:7

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:7

Oto nou teꞌuri huniꞌo, “Ineu oto ie, God ineu. Nou iiꞌo aakau mola huni esuie nga taa o saetoꞌo aana ne ke asuie, oto mala uusulana e lae i sulieu i laona Uusu-uusu Maaꞌi.” Sam 40:6-8

Hibru 10:8

Mo Haꞌatolanga a Mosis e unue uri mwala ke asuie mo uunu-olanga na mo uuraaꞌinge aena aana kire oorahaꞌaala. ?Oto e ue kaꞌu a Kraes e unue hunie a God uuri? “O kaꞌa saetoꞌo aana ike uri kire ke asuie nga mo uunu-olanga i seemu wa kire ke niie mo uuraaꞌinge huniꞌo. Na o kaꞌa ilenimwaꞌe ike haahie mo uunu-olanga kire uunu heꞌileku eeni i seemu, wa nga mo uuraaꞌinge loꞌu kire ko niiꞌi huniꞌo huni taꞌaasie mo roroꞌanga ikire aana kire oorahaꞌaa.”

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Hibru 5:7

A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.

Hibru 8:3

Ahutana mo naꞌohai pris lio hilisilada e lae hunie kire ke mani niie mo uuraaꞌinge na uunu-olanga i saana God. Oto e malisine uri Hahuꞌana Naꞌohai Pris ikie ngeena ke toꞌo aana noꞌone nga mo ola huni niiꞌi.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

2 Jon 1:7

No ko haꞌa-aamasitoꞌoꞌomu mola aana leune, aena aana mo haꞌa-uusuli eero-eero hunge kire lae hailiu oto i laona walumalau. Ikire ngeena kire ko haꞌa-uusuli aana uri a Jisas Kraes e kaꞌa neꞌi iinoni ike. Mo iini urine ikire mwala eero-eero, na ikire mo maelonga a Kraes.