Hibru 10:35 - Tataroha Diana

³⁵ Oto mwaanie omu toliꞌaasie loꞌu mei hiiwalaimolinge maꞌutaꞌa iꞌomu ngeena, aana a God e sai waaie mwala nge kire hele maꞌutaꞌa aana hiiwalaimolinge ikire.

Hibru 10:35 ပူးပေါင်းရင်းမြစ်များ

Matiu 10:32

“Oto mala uri nga iini nge ko unu tahangaꞌinie i naꞌona mo iinoni uri ingeie iinoni ineu, nge ineu noꞌone ne kei unu tahangaꞌinie i naꞌona Aamaku i Lengi.

Matiu 10:42

Omu ke saie mola uri maꞌalana nga iini ko niie mola nga mei wei wawai ana nga taꞌa-taꞌa kele iini aana mo iini ko lulu i sulieu, aena aana uri ingeie pwaarongoisuli ineu, na kei hele waaite oto.”

Matiu 5:12

Omu kei ile-ilenimwaꞌe oto loꞌu liutaa, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mwala i naꞌo kire taungeꞌinire noꞌone urine.”

Tataroha Diana I Sulie A Jisas Kraes Nge A Luk E Uusue 14:14

Na haꞌadianaꞌalamu ke si lae i leune, aana kire saꞌa roroꞌa ni suꞌu ola ike loꞌu huniꞌo. Aana a God ke si suꞌu ola oto huniꞌo aana dinge mo iini oodotaꞌi kei taꞌelaꞌi.”

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

Epesas 3:12

Aena aana kie hiiwalaimoli oto aana, na kie lado oto peꞌie, saeka e susu oto na kie saꞌa maꞌuteꞌinie ike loꞌu laenga mai saana God.

Hibru 10:19

Aena urine, maeni eesiku maaꞌi, i sulie apune a Kraes e aahe oto i tehulaꞌaka, kie toꞌo aana oto nanamanga huni lai sili i laona tohungei leu maaꞌi ngeena.

Hibru 11:26

A Mosis e loꞌongaꞌinie mola uri maꞌalana mwala ko teungeꞌinie i tehulaꞌana a Kraes nge ko lae mai, taꞌe leune e diana loꞌu liutaa aana mo ola diana hunge i Ijip. Na ko loꞌo-loꞌongaꞌi mola urine, aena aana ko toꞌo-toꞌomaaie oto nga taa a God kei niie hunie aana waaitana mai puri.

Hibru 2:2

Mo Haꞌatolanga nge a God e unue uri mo ensel ke lae mai unuꞌi hunie mo weuwaka, kire toꞌohuu oto, na a God e haꞌaloie oto mwala haahie haitohenga ikire aana ahutana maholo nge kire dau huꞌisie mo Haꞌatolanga ngeena wa kire haitohea nga mei wala aani.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

2 Jon 1:8

Oto omu ke lio talamiu mwaanie omu deu tekelaꞌinie tolahai iinoni diana iꞌomu nge melu esu oto hiitoꞌo hunie omu ke toꞌo aana. Taꞌe omu ke lae taraꞌasi peꞌie hunie omu ke hele haꞌamangoa oto waaitemiu.