Hibru 10:27 - Tataroha Diana

²⁷ Mala uri ko urine, nge kie kei maaꞌoohi ni meꞌunge oto mola hunie haꞌamotaahilaka kei lae aana dunge paine nge kei weru suuheꞌinie mo maelonga a God. Aesaea 26:11

Hibru 10:27 ပူးပေါင်းရင်းမြစ်များ

Matiu 13:42

Oto kire kei aasire i laona dunge ni haꞌamotaahinge, leu ngaranga na saehuunge e paine aana.

Matiu 13:50

Na kire kei aasire i laona dunge ni haꞌamotaahinge, leu ngaranga na saehuunge e paine aana.”

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 3:10

Aana a God e urihana mwane e neꞌi aakau oto aana hakesi i aeꞌaena mo ei, na mo ei nge kire kaꞌa hungu ike aani hue-huei ei diana, kei tohu aasiꞌi na aasileni kei lae i laona dunge.

Matiu 3:12

Ingeie ni e toꞌo aana nanamanga huni leie ahutana iinoni. Aana e urihana iinoni nge ko taꞌaasie mo hule-hulei kooni mwaanie mo tohungei ola. Oto ko si neꞌi konie mo tohungei ola i lengine haa i laona nume ni duru ingeie. Taꞌe mo hule-hulei ola aaela ngeena, nge kei uunuꞌi aana dunge nge e saꞌa mwaꞌa loꞌu.”

Matiu 8:29

Oto kire ko uulo oto paine uuri, “?Kalena a God, o ko kotahiꞌemi huni taa? ?Uri o lae mola mai huni haꞌaloiꞌemi, na e kaꞌa hule ue aana maholo hunie?”

Tataroha Diana I Sulie A Jisas Kraes Nge A Luk E Uusue 16:24

“Oto ko soi weu hunie a Ebraham na ko teꞌuri, ‘Mamaꞌa Ebraham, o ke aamasieu, na o ke uusungeꞌinie mai a Lasaros hunie ke toongaꞌinie mola ngongoꞌana riꞌi-riꞌine i laona mei wei huni haꞌawawaie meaku. Aana ko tohungei rako aaela aaku oto hiitoꞌo i laona dunge ni haꞌamotaahinge ie.’

Tataroha Diana I Sulie A Jisas Kraes Nge A Luk E Uusue 19:27

Oto, hunie mo maelonga ineu nge kire sereꞌinie uri ne ke aalaha haahire, no ko unue huniꞌomu, omu ke toolera mai i leu, na omu ke horoꞌire mango oto i naꞌoku.’ ”

Tataroha Diana I Sulie A Jisas Kraes Nge A Luk E Uusue 21:26

Mwala kei maesie maꞌunge aana maholo kire ko maaꞌoohie nga taa kei siho mai haahie ahutana walumalau, aana ahutana mo ola taꞌau i salo kei meni esu oolo-oolo mango, na kire kei meni hei-oolisi mango oto.

Tataroha Diana I Sulie A Jisas Kraes Nge A Luk E Uusue 23:30

Na aana maholona nge mwala ke si unue uuri, ‘Iꞌomu mo toloi henue ngeena, omu ke aaꞌoho mola mai haahiꞌemi haꞌalaa e diana.’ Na kire kei unue noꞌone hunie mo uuwo uuri, ‘Iꞌomu, mo uuwo ngeena, omu ke aanomiꞌemeelu mola.’ Hosea 10:8

Tataroha Diana I Sulie A Jisas Kraes Nge A Jon E Uusue 5:29

kire kei iisitaa poi mwaanie mo kilipweꞌu ikire. Mo iini kire asu diana haꞌalaa kire kei taꞌelaꞌi hunie maurihe huu. Taꞌe mo iini helelada e tataꞌala, kire kei taꞌelaꞌi mola hunie leilada kei lae aana maenga huu.

Hibru 12:25

Oto omu ke lio talamiu, mwaanie omu sereꞌi rongo hunie a God ko ere-ere mai huniꞌomu ngeena. Mwala holaꞌinaꞌo nge kire kaꞌa sare rongo ike hunie a Mosis aana maholo e haꞌapasulire mai aana walumalau ie, kire kaꞌa sai tehisie ike loꞌu mo haꞌamotaahinge. Taꞌe ie a God e ere mai uure taꞌau i Lengi huni haꞌapasulikie. ?Oto kie ke si tehisie kaꞌu mo haꞌamotaahinge uri taa, mala uri kie ko tolipuri aana walana? !Kei aasa mwae!

Hibru 12:29

Aana God ikie ngeena e urihana dunge nge e sai weru suuheꞌinie taꞌena nga ola.

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.

Hibru 9:27

Aana iinoni ko mae mola hautaꞌai, na mai puri a God kei leie.

Jemes 5:3

Mo kol na mo siliva iꞌomu kire rastaa aaela oto. Na rastaa aani ngeena kei ngeue hasiꞌomiu mala dunge ko weru, aena aana ikire oto kire kei unu tahangaꞌinie aana dinge ooreta uri omu takalo. Omu ko durue ue mo toꞌo-toꞌonga iꞌomu, taꞌe mo dinge ooreta oto ie.