Hibru 10:20 - Tataroha Diana

²⁰ Aana kie toꞌo aana oto tala haalu takoie Hahuꞌana Leu Maaꞌi. Tala haalu takoie maurihe huu ngeena, a Jisas e tahanie oto aana maelana i lengine poꞌu-poꞌu, aana e hakasie mei sala paine nge kire honoa kaꞌu Hahuꞌana Leu Maaꞌi aana.

Hibru 10:20 ပူးပေါင်းရင်းမြစ်များ

Matiu 27:51

Oto mola aana maholoi satona, sala kire lohea honosie Hahuꞌana Leu Maaꞌi i laona Nume Maaꞌi Peine e aꞌari hunie e ro aapa, uure oto taꞌi lengi lai hule oto hai aano. Na nunu peine e aanuie mwakano, hule aana mo heu kire talihite oto hunie e ro aapai heu.

Tataroha Diana I Sulie A Jisas Kraes Nge A Mak E Uusue 15:38

Oto mola aana maholoi satona, sala kire lohea honosie Hahuꞌana Leu Maaꞌi i laona Nume Maaꞌi Peine e aꞌari hunie e ro aapa, uure oto taꞌi lengi lai hule oto hai aano.

Tataroha Diana I Sulie A Jisas Kraes Nge A Luk E Uusue 23:45

Na sala paine kire lohea honosie Hahuꞌana Leu Maaꞌi wau i laona Nume Maaꞌi Peine, e aꞌari i denumana.

Tataroha Diana I Sulie A Jisas Kraes Nge A Jon E Uusue 10:7

Oto a Jisas ko heꞌi teꞌuri loꞌu, “No ko unue oto toꞌohuu huniꞌomu, ineu oto domana maa hunie mo sipu.

Tataroha Diana I Sulie A Jisas Kraes Nge A Jon E Uusue 10:9

Ineu oto domana maa nge mo sipu ko liu-liu aana, aana kire ko sili mei i laona para hunie kire ke iiꞌo sapemawa, na kire ko iisi-iisitaa loꞌu huni lae i loꞌohi ngeulaa. Oto e urine loꞌu eeku, aana iini ko liu i seeku haꞌalaa haꞌa-uurilana ko lae, na kei oodoie mo ola diana huni peꞌie maurihaꞌana.

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Epesas 2:15

Maenga ingeie e haꞌamangoa oto tolaha ni lulu i sulilana ahutana mo Haꞌatolanga mo Jiu. Na urine nge e si da hunie e ro taungei iinoni ngeena ke neꞌie taꞌa-taꞌa taungei iinoni haalu aani iiꞌo-rurunge ni henuelama peꞌie.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Hibru 6:19

Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.

Hibru 9:3

Oto ruana nga duru ko iiꞌo hai purine sala hono-hono paine i leune na kire haaraꞌinie aana “Hahuꞌana Leu Maaꞌi.”

Hibru 9:8

Oto aana mo oalaꞌinge ngeena, nge a Liꞌoa Maaꞌi e haataꞌi diana aana oto uri tala takoie tohungei leu maaꞌi a God, e kaꞌa taha ike hunie ahutana mwala maholo nume maaꞌi susulu lalahuꞌe ngeena na taungei uunu-olanga kire asuiꞌi e iiꞌo mola ue.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Jon 4:2

Aana omu sai lio saie mo iini toꞌohuu, aana Liꞌoa Maaꞌi a God ko unu tahangaꞌinie uri a Jisas Kraes e lae mai aano na e neꞌi iinoni.

2 Jon 1:7

No ko haꞌa-aamasitoꞌoꞌomu mola aana leune, aena aana mo haꞌa-uusuli eero-eero hunge kire lae hailiu oto i laona walumalau. Ikire ngeena kire ko haꞌa-uusuli aana uri a Jisas Kraes e kaꞌa neꞌi iinoni ike. Mo iini urine ikire mwala eero-eero, na ikire mo maelonga a Kraes.