Haataꞌinge 9:20 - Tataroha Diana

²⁰ Taꞌe ahutana mo iinoni loꞌu i lalona walumalau nge horoꞌilada e kaꞌa lae ike aana mo aaelanga ngeena, kire kaꞌa oonisae ike mwaanie mo takalonga ikire. Kire kaꞌa mamalo ike mwaanie palolana mo liꞌoa aaela na mo nunui ola kire asuiꞌi mola aani kol, na siliva, na bras, na hau, na aani ei. Mo god eero-eero ngeena kire kaꞌa sai lio ike aana maada wa kire ke rorongo aana aalingada wa kire ke lae-lae aana aeꞌaeda.

Haataꞌinge 9:20 ပူးပေါင်းရင်းမြစ်များ

Matiu 21:32

Aana a Jon e lae mai huni haataꞌinie tolahai iiꞌonga diana aamiu, taꞌe omu kaꞌa hiiwalaimoli ike aana. Mwala susulu toꞌoha na mo repi kire hiiwalaimoli aana Jon, taꞌe maꞌalana omu leesie kire oolisie tolahada urine, na omu kaꞌa sare oonisae ike loꞌu wa omu ke hiiwalaimoli aana.”

Palonga 17:29

Oto aena a God e niie mauringe hunikie mala mo mwela ingeie, nge kie ke suꞌuri neꞌi-neꞌisae uri a God nga ola kie sai eedumie mola aani kol wa aani siliva wa aani heu. Aana a God e kaꞌa urihana ike ola nge nimana iinoni wa saenanaunge iinoni e sai esuie.

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 7:41

Oto kire asu haꞌamalaa oto kalei puluke, na kire ko esuie oto uunu-olanga hunie. Na kire ko esuie oto ngauhe ni ilenimwaꞌenga hunie nunui ola nge kire asuie mola aana kiꞌide.

2 Korinit 12:21

No ko maarara mwaanie uri mo iini hunge nge kire oorahaꞌaala kaꞌu waite, na kire kaꞌa oonisae ike mwaanie iiꞌonga madaꞌa, na aeni-olanga, na walu ola ni masanga nge kire ko esuiꞌine. Oto urine ne kei tohungei saehuu, na ne kei masa i maana God i tehulaꞌamiu.

1 Timoti 4:1

Liꞌoa Maaꞌi e unu tahangaꞌinie oto uri aana mo maholo ko lae mai mwala oto hunge kire kei toliꞌaasie oto hiiwalaimolinge ikire aana a Jisas, na kire kei lae mola i sulie mo haꞌa-uusulinge eero-eero mo liꞌoa aaela.

Haataꞌinge 15:1

Oto nou heꞌi leesie loꞌu ngaeta tolimaa oto paine taꞌau i Lengi, na nou tohungei pangataꞌinie. Nou leesie e hiu ensel nge kei toolea mai e hiu huꞌi-huꞌite aaela ooreta. Maholo mo huꞌi-huꞌite aaela ngeena kei mango, nge saewasunge a God ke si mango oto i leune.

Haataꞌinge 16:8

Na haine nga ensel e lai lingisie loꞌu kao-kao ingeie haahie sato hunie sato ke madoro oto hiitoꞌo hunie sapena mwala ke raramea.

Haataꞌinge 9:19

Aana nanamanga mo hoos nge i wawada na loꞌu aana uiꞌuide, aena aana uiꞌuide e toꞌo aana mo pweꞌui ola mala mwaa ala-ala, nge e sai alaie mo iinoni aana.

Haataꞌinge 9:21

Na mwala kire kaꞌa oonisae ike hunie kire ke aaliꞌu mwaanie mo horonga ikire, wa mo siꞌonga ikire, wa mo aeni-olanga ikire, wa mo pelinge ikire, taꞌe kire ko lae peꞌi hele paine mola aani.