Haataꞌinge 9:15 - Tataroha Diana

¹⁵ Oto e si luhesire, aana kire mani iiꞌo aakau oto hunie maholona. E tewa oto na kire ko maaꞌoohie mola halisi ngeena, na waro-waro ngeena, na hai dinge ngeena, na maholoi sato ngeena, aana kire iiꞌo aakau mola. Kire iiꞌo aakau huni horo maesie oolune nga poꞌo ni leu aani iinoni i laona walumalau.

Haataꞌinge 9:15 ပူးပေါင်းရင်းမြစ်များ

Haataꞌinge 20:7

Oto maholo sinolai helisi ngeena kei haro mango, nge kire ke si luhesie a Satan mwaanie kalinge ni haꞌamotaahinge ngeena.

Haataꞌinge 8:10

Oto oolune nga ensel e uuhie loꞌu aahuri ingeie. Na ngaeta ho heeꞌu peine e eeso mala waꞌariri, na ko ooho toli oto mai uure taꞌi salo. Na e teke i laona oolune ngaeta poꞌo ni leu aana mo wei peine, na i laona mo huulaa aani wei.

Haataꞌinge 8:7

Oto eetana nga ensel e uuhie aahuri ingeie. Na mo uudu-uuduhe aani nemo e pou mala hau ko teke oto uure mai taꞌi salo, na dunge na apu ko teke noꞌone peꞌiꞌi. Oto ahutana hahalisi e waru mango, na oolune nga poꞌo ni leu aana aano huu na mo ei i lengine kire waru oto noꞌone.

Haataꞌinge 8:8

Oto ruana nga ensel e uuhie loꞌu aahuri ingeie. Na ngaeta mei ola e lio oto mala toloi henue paine ko weru aana dunge, na aasilana e lae oto hai laona aasi. Oto oolune nga poꞌo ni eesi e neꞌi epu,

Haataꞌinge 8:9

na oolune nga poꞌo ni ola mau-meuri i laona aasi kire mae mango, na oolune nga poꞌo ni iini aana mo haka i eesi kire aaela oto noꞌone.

Haataꞌinge 9:10

Kire toꞌo uiꞌuide mala mo heri-heri, na maholo kire kei susuꞌie iinoni aana uiꞌuide, nge kei selu i sulie e lime waro-waro.

Haataꞌinge 9:18

Na kire horo maesie ngaeta poꞌo ni iinoni aana e oolu poꞌo ni leu aana walumalau, aana e oolu aaelanga nge kire uure mwaanie wawana mo hoos ngeena—nge dunge na pwaꞌulei dunge na mo heu eeso-eeso.

Haataꞌinge 9:5

Na kire toliꞌaasire hunie kire ke haꞌasapesaluꞌaa mo iinoni hunie e lime waro-waro, na salunge ngeena e paine domana oto hari-heri e alaie iinoni.