Haataꞌinge 8:7 - Tataroha Diana

⁷ Oto eetana nga ensel e uuhie aahuri ingeie. Na mo uudu-uuduhe aani nemo e pou mala hau ko teke oto uure mai taꞌi salo, na dunge na apu ko teke noꞌone peꞌiꞌi. Oto ahutana hahalisi e waru mango, na oolune nga poꞌo ni leu aana aano huu na mo ei i lengine kire waru oto noꞌone.

Haataꞌinge 8:7 ပူးပေါင်းရင်းမြစ်များ

Jemes 1:11

Maholo sato ko hane, oto ko madoro na ko weruhie hahalisi. Oto tatakani ko eehuhu na launihaꞌani ko waetaꞌi oto. E urine loꞌu mola aana mwane e toꞌo-toꞌo. Maholo e kaꞌa loꞌongaꞌinie ike maenga taꞌe ko loꞌongaꞌi hiitoꞌo mola i sulie tari-olanga ingeie, nge kei mae mola.

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

Haataꞌinge 12:4

Oto e rapu tekelaꞌinie oolune ngaeta poꞌo ni leu aana mo heeꞌu taꞌi salo aana uiꞌuine, na kire ooho toli oto mai aano. Na e lae oto mai uure i naꞌona a huꞌena uri hunie ke ngaue a kalena aana maholo kei hute.

Haataꞌinge 16:2

Oto eetana nga ensel e lai lingisie kao-kao ingeie haahie walumalau. Nge sapesalunge aani osa e si lae mai haahie ahutana mwala nge kire toꞌo aana haꞌa-ara aana ola loo-looꞌa ngeena na mo iini nge kire ko paloa nunui ola ingeie.

Haataꞌinge 16:21

Na mo uudu-uuduhe aani nemo e pou mala hau taꞌi salo, kire ko teke oto mai aano haahie mwala. Na mo heu nge kire ko teke ngeena kire tohungei peine na kire hiꞌe oto hiitoꞌo, hule aana lime aawalai kilo aana nga hue. Oto maholo urine mwala ko isi aaelasie mola a God aana walu ola ko reu ngeena, aena aana kire tohungei aaela oto hiitoꞌo.

Haataꞌinge 6:8

Oto nou lio na hoos pala-pala ko maau loꞌu. Na iini nge ko huru taꞌau aana hoos ngeena, satana a Maenga. Nga iini loꞌu e lae mai i puri, satana a Haitolinge. Na niilana nanamanga e lae hunirerue huni horo maesie haine nga poꞌo ni iinoni i laona walumalau aani oohotaa, na aani iihiꞌure, na aani maelaa aaela, na aani ola loo-looꞌa ni meꞌesu.

Haataꞌinge 7:1

Oto loꞌu i puri nou leesie e hai ensel kire uure aana e hai suꞌu-suꞌue aana walumalau, na kire hele honosie e hai maai dengi aana ooru aana walumalau mwaanie uri nga maai dengi e ooru haahie walumalau wa haahie aasi wa e ooruhie taꞌena nga ai.

Haataꞌinge 9:15

Oto e si luhesire, aana kire mani iiꞌo aakau oto hunie maholona. E tewa oto na kire ko maaꞌoohie mola halisi ngeena, na waro-waro ngeena, na hai dinge ngeena, na maholoi sato ngeena, aana kire iiꞌo aakau mola. Kire iiꞌo aakau huni horo maesie oolune nga poꞌo ni leu aani iinoni i laona walumalau.

Haataꞌinge 9:18

Na kire horo maesie ngaeta poꞌo ni iinoni aana e oolu poꞌo ni leu aana walumalau, aana e oolu aaelanga nge kire uure mwaanie wawana mo hoos ngeena—nge dunge na pwaꞌulei dunge na mo heu eeso-eeso.

Haataꞌinge 9:4

Na kire ere honosire hunie kire ke suꞌuri waelie apa-apana taꞌena nga hahalisi wa taꞌena nga ai, taꞌe kire ke waelie mola mo iinoni nge kire kaꞌa toꞌo aana haꞌa-ara a God i darada.