Haataꞌinge 6:9 - Tataroha Diana

⁹ Oto a Kalei Sipu ngeena e tahanie loꞌu limana nga hui edi, na nou leesie i hahana ora ni uunu-uunu, maurihaꞌana mo iini nge horoꞌilada e lae aana kire hiiwalaimoli na kire tarohaꞌinie walana God.

Haataꞌinge 6:9 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 16:2

Aana kire kei ooheꞌomu mwaanie mo nume ni palo-palo mo Jiu, na aana maholoi sato ko lae maine, kire kei waeliꞌomu hiitoꞌo hule aana iini ko horoꞌiꞌomu kei loꞌongaꞌinie uri ko deu i sulie saena God.

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

Pilipae 1:23

E ro mei ola nge saeku ko eune i suliꞌi, uri ne ke mae mola hunie ne ke iiꞌo peꞌie a Kraes, aena aana tohungei leu diana nakue otona,

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

2 Timoti 4:6

Oto aana ineu maraaku, o saie taane uri mauringe ineu nou niie kaꞌu oto i naꞌo mala uuraaꞌinge hunie a God, na oto ie e hule oto aana leu ooreta, aana e hule oto aana maholo ineu huni mae.

Hibru 12:23

Kie lae mai aana lokonga aana soihaadaꞌinge ikie mo naꞌohai mwela a God nge sataka oto i laona uusu-uusu aana mo iini kire kei iiꞌo taꞌau i Lengi. Na kie lae oto mai i saana God, iini kei leie ahutana mwala, na kie iiꞌo oto peꞌie maurihaꞌana mwala diana holaꞌinaꞌo nge a God e taꞌaasie oto taꞌena nga aaelanga mwaanire.

Haataꞌinge 1:2

Na ineu a Jon oto, ngaeta koni-konihe mola ingeie, no ko unu tahangaꞌinie huniꞌomu ahutana mo ola nou leesiꞌi ngeena. Na mo wala uure mwaanie a God otona, aana a Jisas Kraes ni e unu haꞌa-oaie uri kire toꞌohuu.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.

Haataꞌinge 14:18

Oto ensel nge ko lio-lio i sulie dunge aana ora ni uunu ola, e lae mai mwaanie ora ni uunu-uunu na ko soi weu hunie ensel nge e hele aana naihi uuri, “O ke toolea naihi iꞌoe na o ke lae oto i soꞌo niu, aena aana mo niu i laona pariki aana walumalau kire ulu-ulu oto.”

Haataꞌinge 16:7

Na nou rongoa loꞌu mei wala ko iisitaa mai uure mwaanie ora ni uunu-uunu ko teꞌuri, “Iau, God Aalaha Hahuꞌana Nanama, leinge iꞌoe e oodotaꞌi mola na haꞌaloinge iꞌoe e tohungei melisi oto.”

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Haataꞌinge 2:13

“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.

Haataꞌinge 20:4

Na nou leesie noꞌone ngaeta mo neunekume, na mo iini kire iiꞌo i lengini kire toꞌo aana nanamanga hunie leinge. Nou leesie noꞌone mangona mo iini nge horoꞌilada e lae oto i naꞌo, aena aana kire tarohaꞌinie a Jisas na walana a God. Kire kaꞌa haꞌapainaꞌaa ike ola loo-looꞌa ngeena wa nunune, na kire kaꞌa toꞌo aana ike haꞌa-ara ingeie i naꞌona darada wa i nimada. Oto kire mauri eelihoꞌi, na kire ko aalaha peꞌie a Kraes hunie sinolai helisi ngeena.

Haataꞌinge 8:3

Oto ngaeta ensel e lae loꞌu mei, e lae mai uure i saana ora ni uunu-uunu ola nge e iiꞌo i naꞌona naunekume. Na e hele aana kao-kao kol aani dango wau-wesu, na kire niie loꞌu hunie nga mo dango wau-wesu huni uunuꞌi peꞌie mo aarengaꞌinge mwala maaꞌi a God. Oto ensel ngeena e uunuꞌi oto i lengine ora aani kol ngeena,

Haataꞌinge 9:13

Oto oonona nga ensel e uuhie loꞌu aahuri ingeie. Na nou rongoa mei wala e uure mai mwaanie mo rarangoi ola i lengine ora aani kol nge e iiꞌo i naꞌona God.