Haataꞌinge 4:8 - Tataroha Diana

⁸ E hai ola mauri ngeena kire toꞌo aana e oono apa-apai ola, na mo apa-apai ola ngeena kire honu noꞌone aani maai ola hule i hahana apa-apani. Kire kaꞌa mou-mou ike aani kananga susue dangi na rodo uuri. “Maaꞌi, Maaꞌi, Maaꞌi, God Aalaha hahuꞌana nanama, Iini e mauri oto uure mai naꞌo, na siꞌiri, na oto huu.”

Haataꞌinge 4:8 ပူးပေါင်းရင်းမြစ်များ

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

2 Korinit 6:18

Na ineu ne ke si neꞌie oto Aamamiu, na iꞌomu, omu ke neꞌie kaleku mwane na kaleku keni. Ineu a God, iini e aalaha haahie walutana nga ola, nge no ko ere ienini. 2 Samuel 7:14

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

1 Timoti 4:16

O ke kinetaꞌinie mauringe iꞌoe hunie ke diana, na haꞌa-uusulinge iꞌoe hunie mwala ke diana noꞌone. Aana mala uri o kei hele susuleꞌi aani iiꞌonga oodotaꞌi, na o ke lae taraꞌasi peꞌie haꞌananaulana mwala urine, nge o sai haꞌa-uuriꞌo maraamu na mo iini nge kire ko pwaarongo i suliꞌo.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Hibru 13:8

Tolahana a Jisas Kraes e kaꞌa sai hei-oolisi ike, taꞌe e sada mola mala waite, na siꞌiri, na oto di.

Haataꞌinge 1:4

Saediananga mwaanieu a Jon huniꞌomu e hiu soihaadaꞌinge aana poꞌo ni henue i Esia. No ko eitanaie a God iini e mauri oto uure mai naꞌo na ko meuri oto siꞌiri ie na kei meuri oto huu. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu. Na e ro haꞌadianaꞌanga ngeena kire uure noꞌone mwaanie e hiu liꞌoa nge kire uure i naꞌona naunekume a God,

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Haataꞌinge 11:17

na kire ko ere uuri, “Emi ko paalaheꞌo, God Aalaha Hahuꞌana Nanama, nge o iiꞌo kaꞌu oto uure mai naꞌo, na oto loꞌu mei siꞌiri ie. Emi ko paalaheꞌo aena aana o ko talaꞌai aalaha oto haahie walumalau peꞌie nanamanga paine iꞌoe,

Haataꞌinge 14:11

Pwaꞌulana dunge ni sapesalunge ikire ngeena e saꞌa mou-mou ike loꞌu, taꞌe kei taꞌelaꞌi taraꞌasi mola susue aatowaa na rodo. Oto nga mamalonga haꞌike loꞌu hunie mo iini nge kire haꞌapainaꞌaa ola loo-looꞌa ngeena na nunune, wa mo iini nge kire toꞌo aana haꞌa-ara aana satana.”

Haataꞌinge 14:3

Na mo sinolai iinoni ngeena kire ko kanalie kana haalu i naꞌona naunekume na i naꞌona e hai ola mauri na mo rato ni mwane ngeena. Na taꞌe mo sinolai iinoni nge a Kalei Sipu e tapa oolisire mwaanie walumalau mola kire sai kanalie kana haalu ngeena.

Haataꞌinge 15:3

na kire ko kanalie kana a Mosis, koni-konihe a God, na kana a Kalei Sipu uuri, “God Aalaha Hahuꞌana Nanama, o esuie mo ola paine na kire tohungei diana oto liutaa. Iꞌoe oto inemauri haahie ahutana mwala, ahutana mo ola o esuiꞌi kire oodotaꞌi na kire toꞌohuu.

Haataꞌinge 15:7

na ngaeta iini aana e hai ola mauri ngeena e niie e hiu kao-kao aani kol wau hunie e hiu ensel ngeena. Mo kao-kao ngeena kire honu mola aana saewasunge a God, iini nge e iiꞌo oto huu.

Haataꞌinge 16:14

E oolu liꞌoa aaela ienini, kire toꞌo aana nanamanga huni deu huꞌi-huꞌite. Na kire ko lae-lae ngeena huni lokoa ahutana mo inemauri laona walumalau huni ooho honosie a God aana hai dinge paine nge a God Hahuꞌana Nanama kei leie mwala aana.

Haataꞌinge 16:7

Na nou rongoa loꞌu mei wala ko iisitaa mai uure mwaanie ora ni uunu-uunu ko teꞌuri, “Iau, God Aalaha Hahuꞌana Nanama, leinge iꞌoe e oodotaꞌi mola na haꞌaloinge iꞌoe e tohungei melisi oto.”

Haataꞌinge 19:15

Na naihi e ala e maau mwaanie ngidune iini i naꞌo ngeena, hunie kei aꞌailaꞌasie mo henue. E saꞌa lio toliꞌaasie ike nga mei heitohenga i laona aalahanga ingeie, aana ingeie oto iini ko arasi aana saukae ni saewasunge a God Hahuꞌana Nanama.

Haataꞌinge 19:4

Oto e ro aawalai rato ni mwane mwana hai, na e hai ola mauri ngeena kire si lai pouruuru hai aano, na kire ko lahea God, iini e iiꞌo i lengine naunekume ni aalaha, na kire ko teꞌuri, “!Lahea God ikie! Ke urine oto.”

Haataꞌinge 21:22

A God Aalaha Hahuꞌana Nanama na a Kalei Sipu kire iiꞌo oto mone aana hanuena, oto nou kaꞌa leesie ike nga nume maaꞌi i laona hanuena aana kire kaꞌa saetoꞌo aana loꞌu nge nume urine.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.

Haataꞌinge 4:4

Na kali-kelie naunekume ngeena nge e ro aawalai neunekume mwana hai noꞌone, na e ro aawalai rato mwana hai kire iiꞌo i lengini. Kire toꞌoni aani toꞌoni rereꞌa, na kire hoꞌosie mo rorodara aani kol i darada.

Haataꞌinge 4:6

Na loꞌu weu i naꞌona naunekume ngeena, ola mala aasi manola e wana-wana mala iiro-iiro. Oto kali-kelie naunekume ngeena e hai ola mauri kire uure i leune. Mo ola mauri ngeena sapeni e honu aana maai ola, hule i naꞌo na hai puri.

Haataꞌinge 4:9

E hai ola mauri ngeena kire iiꞌo mola peꞌie kananga ni haꞌamanikuluꞌanga, na ni haꞌamaꞌunge, na ni paalahenga hunie iini nge e iiꞌo i lengine naunekume, na ko meu-meuri oto huu. Na suli maholo kire ko kana-kana oto urine,

Haataꞌinge 5:6

Oto i matolana mo rato ni mwane na e hai ola mauri ngeena, nou leesie loꞌu Kalei Sipu e uure i naꞌona naunekume ni aalaha ngeena. Na Kalei Sipu ngeena, e lio mala horoꞌilana e lae oto. E toꞌo aana e hiu rarangoi ola, na mo rarangoi ola ngeena mo tolimaa aana hahuꞌana nanamanga ingeie. E toꞌo aana loꞌu e hiu uꞌumaai ola, na ikire nge e hiu liꞌoa a God, nge e haꞌatolara aana taꞌena nga leu i laona walumalau.

Haataꞌinge 6:1

Oto nou lio loꞌu na no ko leesie a Kalei Sipu e tahanie oto eetana nga iini aana e hiu hui edi mwaanie uusu-uusu hio-hio ngeena. Na no ko rongoa ngaeta iini aana e hai ola mauri ko ere paine na walana e lola oto mala lou-lou uuri, “O ke lae mai.”

Haataꞌinge 6:6

Oto nou rongoa ola mala mei wala e uure mai i matolana e hai ola mauri ngeena, na ko unue uuri, “O ke waelie mo ngeulaa hunie holiteni ke tohungei peine, hule aana mwala ke asu uana taꞌa-taꞌa ho uuhi wa e oolu ho kumara hunie dinge laku. Taꞌe o ke suꞌuri waelie mo ei hungu-hungu.”

Haataꞌinge 7:11

Mo rato ni mwane na e hai ola mauri ikire noꞌone i leune, na ahutana mo ensel kire mani uure kali-kelie naunekume. Mo ensel ngeena kire pouruuru hai aano i naꞌona naunekume na kire ko palo-paloa a God.

Haataꞌinge 7:15

Aena urinena nge kire iiꞌo oto i naꞌona naunekume a God, na kire ko palo-paloa oto susue dangi na rodo i laona nume maaꞌi ingeie. Na iini nge e iiꞌo i lengine naunekume kei lio i suli diana aada.