Haataꞌinge 4:11 - Tataroha Diana

¹¹ “Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”

Haataꞌinge 4:11 ပူးပေါင်းရင်းမြစ်များ

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 17:24

Liꞌoa ngeena ingeie oto God nge e haꞌaholaa walumalau na ahutana mo ola i lalo aana, na ingeie nge e aalaha haahie i Lengi na mai aano. Oto e kaꞌa oꞌoꞌo ike i laona mo nume maaꞌi ikie mo iinoni nge kie ko euꞌesuiꞌi.

Uusu-uusu A Pol Hurula'aa Hunie Mo Rom 11:36

A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

Epesas 3:9

Na iini nge e haꞌaholaa walu ola, e asuie uri hunie ne ke peꞌie ahutana mwala hunie kire ke lio saie loꞌongaꞌinge a God i sulie mei oalaꞌinge ingeie ngeena nge e iiꞌo mumuni.

Hibru 1:10

Oto a God e teꞌuri loꞌu hunie, Iꞌoe oto Aalaha, na i aehotalana, iꞌoe nge o haꞌaholaa walumalau, na iꞌoe nge o haꞌaholaa noꞌone salo na walu ola i lalo aana.

Hibru 1:2

Taꞌe aana mo dinge ooreta ienini, a God e uusungeꞌinie mai a Kalena hunie ke houleꞌinie walana hunikie. A Kalena oto e haꞌaholaa walumalau ienini na ingeie oto kei toꞌo aana walumalau peꞌie taꞌena nga ola i lalo aana, i sulie oalaꞌinge a God ni otona.

Haataꞌinge 1:6

Ingeie oto aalaha ikie, na e asuie uri kie ke mani neꞌi pris oto huni haꞌapainaꞌaa Aamana, a God. Oto aena urine kie ke haꞌamanikuluꞌaa a Jisas Kraes haahie hahuꞌana nanamanga ingeie oto di oto di. Ke urine oto.

Haataꞌinge 10:6

na ko heiholotaꞌi oto aana satana God Mau-meuriꞌe, na iini e haꞌaholaa walumalau na salo na aasi na walu ola i lalo aani. Ensel ngeena e haiholotaꞌi uuri, “Maholo ni maaꞌoohinge e mango oto.

Haataꞌinge 14:7

Ensel ngeena ko ere aana mei wala paine uuri, “Omu ke haꞌamaꞌu aana God na omu ke haꞌapainaꞌaa. E hule oto aana maholo a God huni leie ahutana mwala. Oto omu ke haꞌamanikuluꞌaa God aana ingeie oto iini nge e haꞌaholaa salo, na aano huu, na aasi, na mo huulaa mauri, na taꞌena nga ola loꞌu i laona walumalau.”

Haataꞌinge 19:1

Oto i purine walu ola ngeena, nou rongoa aawa-aawatai ola mala walana mwala hunge taꞌau i Lengi ko unue uuri, “!Lahea God ikie! Taꞌe ingeie mola e manikuluꞌe na e nanama. Taꞌe ingeie mola ni e sai haꞌa-uuri.

Haataꞌinge 5:12

Mo ensel ngeena kire ko kana paine uuri, “A Kalei Sipu nge horoꞌilana e lae, e adona kie ke haꞌapainaꞌaa haahie nanamanga paine ingeie, na haahie toꞌo-toꞌonga ingeie, na haahie saenanaunge ingeie, na haahie aꞌailaꞌanga ingeie. Na e adona oto kie ke haꞌamaꞌu aana, na kie ke haꞌamanikuluꞌaa, na kie ke haꞌapainaꞌaa.”

Haataꞌinge 5:2

Oto nou leesie loꞌu nga ensel e nanama ko soi-soi aana mei wala paine uuri, “?A tei ni e malisine uri ke taꞌaasie mo hui edi na ke lalaaꞌinie uusu-uusu hio-hio ngeena?”

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.