Haataꞌinge 3:7 - Tataroha Diana7 Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu. အခန်းကိုကြည့်ပါ။ |
na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.
Oto nou heꞌi leesie loꞌu taꞌau i Lengi e taha, na nou leesie nga hoos rereꞌa. Na iini nge e taꞌe i lengine hoos ngeena sailana uuri, “Hahuꞌei iini toꞌohuu huni norutoꞌo aana.” Na aena aana tolahana e tohungei oodotaꞌi, nge ko leie mwala na ko ooho honosie mo maelonga ingeie huni taꞌaasie aaelanga mwaanie walumalau.
Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.
E hai ola mauri ngeena kire toꞌo aana e oono apa-apai ola, na mo apa-apai ola ngeena kire honu noꞌone aani maai ola hule i hahana apa-apani. Kire kaꞌa mou-mou ike aani kananga susue dangi na rodo uuri. “Maaꞌi, Maaꞌi, Maaꞌi, God Aalaha hahuꞌana nanama, Iini e mauri oto uure mai naꞌo, na siꞌiri, na oto huu.”
na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.