Haataꞌinge 3:15 - Tataroha Diana

¹⁵ “Nou saiꞌomu taane na nga taa omu esuie, na nou saie taane uri saemiu e kaꞌa madoro ike aana manata-diananga hunieu, na e kaꞌa wawai ike aana ngiduupunge hunieu. Mala uri saemiu ke madoro hiitoꞌo wa omu ke wawai hiitoꞌo, na e kohi mola aaku.

Haataꞌinge 3:15 ပူးပေါင်းရင်းမြစ်များ

Matiu 10:37

Nga iini nge ko manata diana hunie aamana wa nikana liutaa aaku, e kaꞌa malisine ike ke neꞌi pwaarongoisuli ineu. Na nga iini ko manata diana hunie kalena mwane wa kalena keni liutaa aaku, e kaꞌa malisine ike ke neꞌi pwaarongoisuli ineu.

Matiu 24:12

Mwala urine nge kire kei da aaelanga ke si peine i laona walumalau, na mwala hunge saꞌa manata diana oto hunie nga iini.

Matiu 6:24

“Na e urine loꞌu aana nga taꞌa-taꞌa koni-konihe e saꞌa roroꞌa asu susuleꞌi ike nana nga ro poro paine hai aaopaꞌi. Aana kei manata diana mola hunie eetana nga iini, na kei ngiduupu hunie ruana nga iini, wa kei haꞌamaꞌu mola aana ruana nga iini, na kei maaleledie eetana nga iini. Oto e tohungei aasa hunie omu kei neꞌisae haꞌamaꞌu aana a God na toꞌo-toꞌonga aana walumalau ie mala uri e ro poro paine iꞌomu.”

Uusu-uusu A Pol Hurula'aa Hunie Mo Rom 12:11

Omu ke suꞌuri lalawa, taꞌe omu ke asu aꞌailaꞌa mola i suli maholo, na omu ke toliꞌaasie ahutana maurihaꞌamiu ke aꞌailaꞌa aani esunge nana Aalaha.

1 Korinit 16:22

Taꞌena nga iini nge e kaꞌa manata diana hunie a Aalaha ikie a Jisas, nge haꞌaloinge a God kei hite aana. No ko eitanaie a Aalaha ikie a Jisas hunie ke lae mai lau-leu,

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

Pilipae 1:9

Na no ko eitanaie a God talamiu hunie manata-diananga iꞌomu ke paine loꞌu liutaa, na omu ke honu eeni saenanaunge hunie lio sai-olanga diana.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

Jemes 1:8

Sulie neꞌisaenga ingeie e rue-ruaꞌa, nge tolahana e sai esu olo-olo mola i sulie taꞌena nga ola.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

Haataꞌinge 2:2

“Nou saie taane nga taa omu esuie, na uri omu esu hiitoꞌo nakue, na uri omu hele susuleꞌi aani hiiwalaimolinge aaku. Nou saie noꞌone uri omu leledie mo iini nge ko lae i sulie mo tolahai ola aaela, na uri omu oohongie oto mo iini nge kire ko unue uri ikire mo hurulaꞌaa ineu taꞌe haꞌike mola, na uri omu deu oodoie uri kire ko eero mola.

Haataꞌinge 2:4

“Taꞌe nga taa nge nou lio oodoie aamiu na nou kaꞌa saetoꞌo aana mola uri omu kaꞌa manata diana ike oto hunieu mala holaꞌinaꞌo.

Haataꞌinge 3:1

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Sadis uuri. “Ineu nge nou hele aana e hiu Liꞌoa a God na e hiu ho heeꞌu, no ko unue huniꞌomu uuri. “Nou saie taane uri mwala ko unue soihaadaꞌinge iꞌomu e mauri diana. Taꞌe ineu, nou saie mola tolahamiu, uri omu mae oto ni ngeena.

Haataꞌinge 3:16

Taꞌe mala saemiu ko wawai oosi-oosi mola mala ngeena, nge ne kei pusuleꞌi aasiꞌomu oto mwaanie ngiduku.