Haataꞌinge 22:9 - Tataroha Diana

⁹ Taꞌe ensel ngeena e unue mola hunieu uuri, “!Haꞌike! O ke suꞌuri palo-paloau. Ineu ngaeta koni-konihe noꞌone mala iꞌoe, na mala mo eesimu mo propet, na oto mala ahutana mo iini nge kire ko hele i sulie mo wala i laona uusu-uusu ienini. O ke palo-paloa mola a God.”

Haataꞌinge 22:9 ပူးပေါင်းရင်းမြစ်များ

Matiu 4:9

Na a Satan ko teꞌuri hunie a Jisas, “Mala uri o kei pouruuru ni haꞌamaꞌunge aaku na o kei palo-paloau, nge ne kei niie ahutana mo ola ienini namue.”

Tataroha Diana I Sulie A Jisas Kraes Nge A Luk E Uusue 4:7

Oto mala uri o kei pouruuru ni haꞌamaꞌunge aaku na o kei palo-paloau, nge ne kei niie ahutana mo ola ienini namue.”

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 14:7

Ensel ngeena ko ere aana mei wala paine uuri, “Omu ke haꞌamaꞌu aana God na omu ke haꞌapainaꞌaa. E hule oto aana maholo a God huni leie ahutana mwala. Oto omu ke haꞌamanikuluꞌaa God aana ingeie oto iini nge e haꞌaholaa salo, na aano huu, na aasi, na mo huulaa mauri, na taꞌena nga ola loꞌu i laona walumalau.”

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Haataꞌinge 22:10

Oto ensel ngeena e heꞌi unue loꞌu hunieu uuri, “O ke suꞌuri mumunie uusu-uusu aana haataꞌinge ienini, aena aana maholo hunie mo ola ienini kei reu e karaꞌini oto.

Haataꞌinge 22:18

Ineu a Jon no ko haꞌapasulie ahutana mo iini nge kire ko rongoa mo wala ni erenga lalai aana uusu-uusu ie. Mala uri nga iini ko sapeie loꞌu nga mei neꞌisaenga aana mo wala ienini, nge a God kei sapeie loꞌu hunie iinoni ngeena mo haꞌamotaahinge nge uusuleni e lae i laona uusu-uusu ienini.

Haataꞌinge 22:7

Oto nou heꞌi rongoa loꞌu walana a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Mo iini nge kire ko tola i sulie walana God e unu lalai eeni i laona uusu-uusu ie, kire ke ilenimwaꞌe mola.”

Haataꞌinge 4:10

na e ro aawalai rato mwana hai ngeena kire ko pouruuru hai naꞌona iini e iiꞌo i lengine naunekume, na kire ko lahea iini nge ko meu-meuri oto huu. Kire ko neꞌie mo rorodara ikire i naꞌona naunekume ingeie na kire ko unue uuri,

Haataꞌinge 9:20

Taꞌe ahutana mo iinoni loꞌu i lalona walumalau nge horoꞌilada e kaꞌa lae ike aana mo aaelanga ngeena, kire kaꞌa oonisae ike mwaanie mo takalonga ikire. Kire kaꞌa mamalo ike mwaanie palolana mo liꞌoa aaela na mo nunui ola kire asuiꞌi mola aani kol, na siliva, na bras, na hau, na aani ei. Mo god eero-eero ngeena kire kaꞌa sai lio ike aana maada wa kire ke rorongo aana aalingada wa kire ke lae-lae aana aeꞌaeda.