Haataꞌinge 22:11 - Tataroha Diana

¹¹ Maholo e oꞌoruꞌe mola, oto mo iini nge kire ko euꞌesuie aaelanga na tolahada e tataꞌala, e aasa hunie kire kei eeliꞌu taꞌe kire kei talei iiꞌo mola peꞌie tataꞌalanga na tolahada kei heꞌi tataꞌala loꞌu liutaa. Na mo iini nge kire ko esu aana diananga na tolahada e maaꞌi, kire kei lae peꞌi esu oto mola aana diananga na tolahada kei maaꞌi oto tarau.”

Haataꞌinge 22:11 ပူးပေါင်းရင်းမြစ်များ

Matiu 15:14

!Oto mwaanie omu aapwasu loꞌu aada! Mwala maada e ulu ni ngeena, oto kire ko sare naꞌona loꞌu ngaeta mo ulu. Na maholo nga ulu ko naꞌona ngaeta ulu, kirerue kei meni domu oto i laona kalinge.”

Matiu 21:19

Oto e leesie ai fik i reune tala, na ko lae oto i saana. Taꞌe maholo e lae wai hule aana, na ko leesie uri nga taꞌa-taꞌa hue-huei ei haꞌike aana, taꞌe apa-apana mola haliꞌite. Oto ko unue hunie ai ngeena uuri, “O saꞌa roroꞌa ni hungu loꞌu.” Na ai ngeena ko tolana nunulu oto molo aana maholona.

Matiu 25:10

“Oto maholo e lime keni e pweu ngeena kire ko lai loꞌohi rumu nada, na a poro haalu ko hule oto. E lime keni nge kire dau aakau, kire ko sili oto i nume peꞌie poro haalu hunie aaharota. Maholo kire sili i nume, na maa ko hono oto.

Matiu 5:45

Aana omu kei teꞌurine, nge omu ke si haataꞌinie uri iꞌomu oto mo kalena Aamamiu i Lengi. Ingeie nge ko nii-niie sato hunie ke pwaa haahie mo iinoni diana na mo iini aaela oto noꞌone. Na ko nii-niie nemo hunie mo iinoni oodotaꞌi na mo iini kaꞌa oodotaꞌi oto noꞌone.

Matiu 5:6

Deidehie mo iini nge kire ko hiolo na kire ko maarou hunie oodo-oodonga, aena aana kire kei pote taane.

Tataroha Diana I Sulie A Jisas Kraes Nge A Jon E Uusue 8:21

Oto a Jisas e heꞌi teꞌuri loꞌu hunire, “Ne kei lae oto mwaaniꞌomu, na omu kei hei-heitaleau taane, taꞌe omu saꞌa lio oodoieu ike. Na aena urinena nge mo oorahaꞌaa iꞌomu kei iiꞌo ue aamiu lae hule aana omu kei mae. Oto omu saꞌa lae ike aana leu no ko lae aana.”

Epesas 5:27

A Kraes e asuie walu ola urine hunie maholo kei toolea mai soihaadaꞌinge i sapena maraana, uri soihaadaꞌinge ke tohungei lio manikuluꞌe, na uri e kaꞌa toꞌo aana nga taꞌa-taꞌa kele mei ola ke aaela aana, taꞌe ke oodotaꞌi mola taꞌingelu.

Kolosi 1:22

Taꞌe a Kalena e neꞌi iinoni na e mae honotamiu, na aena urinena a God e si da hunie omu ke uure ruru oto peꞌie. A God e asuie urine hunie uri ke tooleꞌomu mei saana mala mo iinoni e maaꞌi oto, nge nga mei ola e kaꞌa aaela ike loꞌu aada, na nga mei ola hunie a God ke leire haahie haꞌike loꞌu.

2 Timoti 3:13

Taꞌe mwala tataꞌala nge kire ko haꞌapweue mola mwala, kire kei hunge oto loꞌu liutaa. Kire kei aaela oto loꞌu, na kire kei lae peꞌi eeroa mwala oto hiitoꞌo, taꞌe lae-lae na mwala kei haro pwelora loꞌu noꞌone.

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

Haataꞌinge 16:21

Na mo uudu-uuduhe aani nemo e pou mala hau taꞌi salo, kire ko teke oto mai aano haahie mwala. Na mo heu nge kire ko teke ngeena kire tohungei peine na kire hiꞌe oto hiitoꞌo, hule aana lime aawalai kilo aana nga hue. Oto maholo urine mwala ko isi aaelasie mola a God aana walu ola ko reu ngeena, aena aana kire tohungei aaela oto hiitoꞌo.

Haataꞌinge 22:3

Walu ola kei diana oto loꞌu mala maholo haꞌaholanga, aana a God kei taꞌaasie haiꞌuesinge ingeie mwaanie walumalau. Naunekume a God na a Kalei Sipu kire iiꞌo i leune, na mo koni-konihe ingeie kei palo-paloa.