Haataꞌinge 21:9 - Tataroha Diana

⁹ Oto ngaeta iini aana e hiu ensel nge kire hele-hele aana kaꞌu e hiu kao-kao aana e hiu haꞌamotaahinge ooreta, e lae mai seeku na ko teꞌuri, “Lae mai i leu, na ne ke haataꞌinie aamu mo iini nge ikire oto domana huꞌe haalu a Kalei Sipu.”

Haataꞌinge 21:9 ပူးပေါင်းရင်းမြစ်များ

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.

Haataꞌinge 17:1

Oto ngaeta iini aana e hiu ensel nge kire hele-hele aana kaꞌu e hiu kao-kao ngeena, e lae mai ko unue hunieu uuri, “O ke lae mai hunie o ke leesie haꞌamotaahinge e lae hunie hanue nge e iiꞌo i reune mo wei. Hanuena e urihana mei keni repi

Haataꞌinge 19:7

Kie ke sae-sae diana peꞌi ilenimwaꞌenga na kie ke soi haꞌamanikuluꞌaa God, aena aana haꞌarurunge a Kalei Sipu e toꞌo mone oto, na huꞌe haalu ingeie e iiꞌo aakau oto.

Haataꞌinge 21:17

Oto ensel e totohoa loꞌu para ahuie hanuena, na e lae i lengi hunie tangalau na e hai aawala mwana hai aani loꞌusuꞌu. Na totoho nge ensel ngeena ko totoho aana, e sada mola aana totoho mo iinoni ko totoho aana.

Haataꞌinge 21:2

Na nou leesie hanue maaꞌi ko lae mai uure taꞌau i Lengi mwaanie a God. Kire dau aakau aana mala huꞌe haalu e toꞌoni eeni toꞌoni lauleuniꞌe hunie kei haꞌaruru peꞌie poro ingeie. Hanue maaꞌi ie nge satana Jerusalem Haalu.

Haataꞌinge 22:1

Oto ensel ngeena e haataꞌinie wai ni meurihe aaku nge ko aahe-aahe mai uure mwaanie naunekume a God na a Kalei Sipu. Wai ngeena wai oto paine, na e tohungei mano-manolaꞌa.

Haataꞌinge 22:17

Oto Liꞌoa Maaꞌi e unue uuri, “O ke lae mai.” Huꞌe a Kalei Sipu, nge oto soihaadaꞌinge, e unue noꞌone uuri, “O ke lae mai.” Na e malisine noꞌone hunie taꞌena nga iini ko rongoa mo wala ienini ke unue uuri “O ke lae mai.” Na mei wala ko lae noꞌone hunie mo iini kire sare toꞌo aana maurihe huu. “Omu ke lae mai.” Mo iini nge omu ko maarou hunie maurihe, omu ke lae mai tola mwaakule mola aana wai ni meurihe ienini.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”