Haataꞌinge 21:4 - Tataroha Diana

⁴ Ingeie oto kei usuri aasie mo wei ni aakalo mwaanie maada. I leune nge maenga, na saehuunge, na ngaranga, na sapesalunge haꞌike loꞌu. Aana ahutana mo ola lalahuꞌe urine kire mango oto.”

Haataꞌinge 21:4 ပူးပေါင်းရင်းမြစ်များ

Matiu 24:35

I Lengi na i aano kei suu, taꞌe walaku e saꞌa suu ike oto ooꞌoo.”

1 Korinit 15:26

Na maenga oto maelonga ooreta huni seu aasie.

1 Korinit 7:31

Na mo iini nge kire toꞌo ola i laona walumalau ie, kire ke suꞌuri neꞌisae paine haahie toꞌo-olanga ikire. Taꞌe kire ke mani neꞌisae paine mola aana God, aena aana nga taa nge kolu ko leesie i laona walumalau ie, karaꞌinie oto kire kei eiꞌaa.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

2 Korinit 6:17

Aena urinena a Aalaha e unue noꞌone uuri, Omu ke toliꞌaasie mo puꞌo, na omu ke iiꞌo aaopa oto mwaanire. Omu ke suꞌuri hele i sulie loꞌu nga mei ola e madaꞌa, aana omu kei iiꞌo oodotaꞌi urine nge ne kei ilenimwaꞌe peꞌiꞌomu. Aesaea 52:11

Hibru 12:27

Mo wala ie, “loꞌu hautaꞌai aana nga maholo” kire haataꞌinie uri a God kei nunuie walu ola e haꞌaholaꞌi, na kei taꞌaasiꞌi oto. Na walu ola nge kire kaꞌa sai eenuleꞌi ike nge mola kire kei iiꞌo huu.

2 Pita 3:10

Taꞌe hai dinge Aalaha ikie kei ooli loꞌu mei, hai dinge ngeena kei lae mai mola mala iinoni peli-peli aana kie saꞌa manataꞌinie ike maholo kei lae mai wa kie ke loꞌongaꞌinie. Na aana hai dingena, painehaꞌana kou-kouhaꞌa oto paine kei reu uure mai taꞌau i Lengi na salo kei eiꞌaa oto. Na dunge oto paine kei ngaa oto ahutana walu ola taꞌau i salo hule aana kire kei meni aaela mango oto. Na walumalau ngeena oto peꞌie walu ola aana, kire kei meni eiꞌaa oto.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.

Haataꞌinge 20:14

Na mala uri nga iini uusulana satana e kaꞌa lae oto i lalona uusu-uusu ni meurihe ngeena, nge iini urine aasilana kei lae oto i laona dunge ni haꞌamotaahinge. Na ruana nga maenga oto ngeena. Na kire aasie loꞌu maenga na leu ni maenga i laona dunge ngeena, aana a God e haꞌamangoa oto maenga mwaanie nga iini e heꞌi mae loꞌu.

Haataꞌinge 21:1

Oto nou heꞌi leesie loꞌu walumalau haalu, taꞌe nga aasi haꞌike loꞌu i laona, na salo e haalu noꞌone. Aana walumalau lalahuꞌe peꞌie salo na aasi i laona, kire mani eiꞌaa mango oto.

Haataꞌinge 22:3

Walu ola kei diana oto loꞌu mala maholo haꞌaholanga, aana a God kei taꞌaasie haiꞌuesinge ingeie mwaanie walumalau. Naunekume a God na a Kalei Sipu kire iiꞌo i leune, na mo koni-konihe ingeie kei palo-paloa.

Haataꞌinge 7:17

aena aana a Kalei Sipu nge e uure i naꞌona naunekume, ingeie oto kakalihe ikire. E sai naꞌoda takoie huulaa ni wei meuri. Na a God kei usuri aasie ahutana mo wei ni aakalo mwaanie maada.”