Haataꞌinge 21:14 - Tataroha Diana

¹⁴ Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.

Haataꞌinge 21:14 ပူးပေါင်းရင်းမြစ်များ

Matiu 16:18

Oto no ko unue huniꞌo Pita, iꞌoe oto hau, na i lengine poo-poota aani heu ie ne kei tohue soihaadaꞌinge ineu, na maꞌalana maenga na e saꞌa tari mwadaꞌu ike aana huni ohoie.

Palonga 1:26

Oto kire ko si hehutoꞌo hunie aana ola mala inilana daes, na e haataꞌinie uri a Mataeas oto lio-hilisilana e lae. Na e neꞌie oto ngaeta hurulaꞌaa aana aawala mwana rue ngeena.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

Epesas 4:11

Na ingeie oto e niie mo niinge hunie soihaadaꞌinge ingeie, aana e lio hilisie nga mo iini huni neꞌi hurulaꞌaa, na nga mo iini huni neꞌi propet, na nga mo iini huni tarohaꞌinie Tataroha Diana, na nga mo iini huni lio i sulie soihaadaꞌinge, na nga mo iini huni haꞌa-uusulie mwala.

Hibru 11:10

A Ebraham e oꞌoꞌo urine, aana e maa-maaꞌoohie mola kei lai hule aana huilume paine nge e sai iiꞌo huu. Huilume paine ngeena, a God maraana ni e alaaꞌinie na e asu mangoa oto.

Jiud 1:17

Taꞌe maeni malahuku, omu ke aama-aamasitoꞌo aana nga taa nge mo hurulaꞌaa Aalaha ikie a Jisas Kraes kire ere lalai aana oto waite.

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”

Haataꞌinge 21:13

E oolu maai para nge kire iiꞌo hatarie pwaalana sato, na ngaeta oolu iini hatarie suulana sato, na ngaeta oolu iini poꞌo taꞌau, na ngaeta oolu iini poꞌo hao.