Haataꞌinge 21:11 - Tataroha Diana

¹¹ Na hanuena e raa aana manikuluhaꞌana a God, na ko wana-wana oto mala nga hau iiro-iiro ola holitana e paine, na mala hau jaspa e mano-manolaꞌa taꞌingelu.

Haataꞌinge 21:11 ပူးပေါင်းရင်းမြစ်များ

Haataꞌinge 15:8

Oto leu e maaꞌi ngeena e si honu aana pwaꞌulana dunge uure mwaanie manikuluꞌanga na nanamanga a God, hule aana nga iini kaꞌa sai lae ike i laona, lai hule aana maholo e hiu huꞌi-huꞌite aaela aana e hiu ensel ngeena kei haro mango.

Haataꞌinge 22:1

Oto ensel ngeena e haataꞌinie wai ni meurihe aaku nge ko aahe-aahe mai uure mwaanie naunekume a God na a Kalei Sipu. Wai ngeena wai oto paine, na e tohungei mano-manolaꞌa.

Haataꞌinge 22:5

Nga rodohono haꞌike loꞌu taꞌau, na kire saꞌa hari hunie loꞌu nga raa-raa aani dunge wa sato hunie ke raangire, aena aana a God Aalaha oto kei niie raa-raa nada. Na kire kei aalaha mala mo inemauri oto huu.

Haataꞌinge 4:3

Na iini nge e iiꞌo i lengine, maana domana oto e ro ho heu wana-wana manikuluꞌe, jaspa na kanilian. Na hureꞌaro e lolo haahie naunekume ngeena e raa oto mala hau wana-wana manikuluꞌe emaral.

Haataꞌinge 4:6

Na loꞌu weu i naꞌona naunekume ngeena, ola mala aasi manola e wana-wana mala iiro-iiro. Oto kali-kelie naunekume ngeena e hai ola mauri kire uure i leune. Mo ola mauri ngeena sapeni e honu aana maai ola, hule i naꞌo na hai puri.