Haataꞌinge 21:10 - Tataroha Diana

¹⁰ Oto peꞌie nanamanga aana Liꞌoa Maaꞌi, ensel ngeena e tooleau taꞌau i lengine toloi henue oto paine e tohungei lae i lengi. Na i leune e haataꞌinie aaku hanue maaꞌi i Jerusalem, ko lae mai uure taꞌau i Lengi mwaanie a God.

Haataꞌinge 21:10 ပူးပေါင်းရင်းမြစ်များ

Palonga 8:39

Oto mola aana kele maholoi sato kirerue ko uulutaa poi mwaanie wai, Liꞌoa a Aalaha e lae mai toolea a Pilip oto mwaanie leune. Na poro paine ngeena e kaꞌa leesie ike loꞌu a Pilip, taꞌe ko heꞌi lae loꞌu i sulie laenga ingeie peꞌie ilenimwaꞌenga.

Kalesia 4:26

Taꞌe a Sera, e urihana Jerusalem taꞌau i Lengi nge e iiꞌo luhetaꞌi mwaanie mo Haꞌatolanga ngeena, na ingeie oto domana nikana ahutana mo iini kie ko hiiwalaimoli aana haiholotaꞌinge a God. Na aena leune nge kie iiꞌo luhetaꞌi oto noꞌone mwaanie mo Haꞌatolanga.

Haataꞌinge 1:10

Oto aana ngaeta hai dinge maaꞌi a Aalaha, Liꞌoa Maaꞌi a God e siho i lengiku, na nou rongoa mei wala paine hai puriku mala aawa-aawatana aahuri,

Haataꞌinge 11:2

Taꞌe o ke suꞌuri totohoa lolata poi sinaha aana nume maaꞌi. Toliꞌaasie mola, sulie niilana e lae oto hunie mo Aapoloa Aaopa nge ikire nga mo Jiu haꞌike, na kire kei aalaha haahie i Jerusalem i sulie e hai aawalai waro-waro mwana rue.

Haataꞌinge 17:3

Oto aana nanamanga a Liꞌoa Maaꞌi, ensel ngeena e tooleau weu i lalona hanuesala. Na i leune nou leesie nga keni e iiꞌo i lengine ola loo-looꞌa e nonoroꞌa. E hiu ho pweꞌuu na aawalai rarangoi ola ikire aana ola loo-looꞌa ngeena, na sapena e honu mola aana mo wala kire uusuꞌi huni ere mwakataꞌinie a God.

Haataꞌinge 21:2

Na nou leesie hanue maaꞌi ko lae mai uure taꞌau i Lengi mwaanie a God. Kire dau aakau aana mala huꞌe haalu e toꞌoni eeni toꞌoni lauleuniꞌe hunie kei haꞌaruru peꞌie poro ingeie. Hanue maaꞌi ie nge satana Jerusalem Haalu.

Haataꞌinge 3:12

“Na hunie mo iini nge kire kei aꞌailaꞌa taraꞌasi honosie aaelanga, ne kei da kire ke neꞌi hunu oodo aana nume maaꞌi a God ineu, na kire saꞌa lae ike loꞌu mwaanie leune. Na ne kei uusue oolu satai ola aana iini urine—satana a God ineu, na satana Jerusalem haalu a God nge kei siho mai uure taꞌau i Lengi mwaanie a God ineu, na satai ola haalu ineu.

Haataꞌinge 4:2

Oto mola aana maholona nou honu oto aana Liꞌoa Maaꞌi, na no ko leesie oto naunekume ni aalaha taꞌau i Lengi.