Haataꞌinge 19:9 - Tataroha Diana

⁹ Oto ensel ngeena e heꞌi teꞌuri loꞌu hunieu, “O ke uusue mo erenga ie—Deidehie mo iini nge haꞌarongolada e lae hunie ngaunge aana haꞌarurunge a Kalei Sipu.” Na ensel ngeena e teꞌuri noꞌone, “Mo wala ienini, walana a God oto toꞌohuu.”

Haataꞌinge 19:9 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 22:16

Aana no ko unue oto huniꞌomu uri nou saꞌa roroꞌa ngau loꞌu aana nga ngaunge aana Liumwaanie mala ie peꞌiꞌomu lai hule aana mo loꞌongaꞌinge aana kei saro oa aana Aalahanga a God.”

1 Timoti 1:15

Nga taa nge ne kei unue ie e toꞌohuu, na o sai norutoꞌo aana oto. A Kraes Jisas e lae mai laona walumalau huni haꞌa-uurie kira oorahaꞌaa. O sai leesie leune e toꞌohuu, aana ineu oto ngaeta iini nou aaela liutaa, taꞌe ingeie mone e haꞌa-uurieu.

2 Timoti 2:11

Mei wala toꞌohuu oto ienini. Mala uri kie ko mae tararuru peꞌie a Kraes, nge kie kei meuri tararuru noꞌone peꞌie.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.

Haataꞌinge 1:19

Oto o ke uusue mo ola nge o ko leesiꞌi ngeena na mo iini o kei heꞌi leesiꞌi loꞌu mei puri.

Haataꞌinge 10:4

Oto mola i purine kire ere taa urine, na no ko deu oto uri ne ke uusue nga taa kire unue. Taꞌe loꞌu mola aana maholona na no ko rongoa mei wala uure i Lengi e teꞌuri hunieu, “Suꞌuri uusue nga taa nge e hiu lou-lou e unue, na o ke suꞌuri haꞌarongoa nga iini aana.”

Haataꞌinge 14:13

Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”

Haataꞌinge 17:1

Oto ngaeta iini aana e hiu ensel nge kire hele-hele aana kaꞌu e hiu kao-kao ngeena, e lae mai ko unue hunieu uuri, “O ke lae mai hunie o ke leesie haꞌamotaahinge e lae hunie hanue nge e iiꞌo i reune mo wei. Hanuena e urihana mei keni repi

Haataꞌinge 17:17

Aena urinena mo inemauri aaela ngeena kire kei esuie mola nga taa a God e oalaꞌinie, aana a God nge e asuie kire ke neꞌisae tararuru hunie kire ke mani niie nanamanga ikire hunie ola loo-looꞌa ngeena huni aalaha haahire, na kei urine oto lai hule aana walana God kei oa.

Haataꞌinge 2:1

Oto a mwaena e unue loꞌu hunieu uuri, “O ke uusue hunie naꞌohai mwane aana soihaadaꞌinge wau i Epesas oto uuri. “Ineu iini nge nou hele aana e hiu ho heeꞌu aana ninime i pwalo-pwaloku, na no ko lae-lae i matolana e hiu ola kol talai laite nge no ko ere huniꞌomu ie.

Haataꞌinge 2:12

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Pegamam uuri. “Ineu, iini nge nou toꞌo aana naihi e ala rue-rue, no ko unue huniꞌomu uuri.

Haataꞌinge 2:18

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Taeataera uuri. “Ineu, Kalena a God, iini nge e ro maaku domana oto eeso-eesohai dunge, na mo aeꞌaeku kire wana-wana oto mala hau e sae ni pelu-pelu, no ko unue huniꞌomu uuri.

Haataꞌinge 2:8

Oto a mwaena e heꞌi unue loꞌu hunieu uuri, “O ke uusue hunie naꞌohai mwane aana soihaadaꞌinge wau i Smina oto uuri. “Ineu oto aehotalana walu ola na haꞌamangolani. Ineu oto iini nou mae kaꞌu, taꞌe ie nou meuri loꞌu na no ko unue huniꞌomu uuri.

Haataꞌinge 21:5

Na iini nge e iiꞌo i lengine naunekume e teꞌuri, “Omu ke lio kaꞌu. No ko esu haalu aana walu ola.” Na e unue hunieu uuri, “O ke uusue mei ola ie, aena aana mo wala ienini kire toꞌohuu na o sai norutoꞌo oto aani.”

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”

Haataꞌinge 3:1

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Sadis uuri. “Ineu nge nou hele aana e hiu Liꞌoa a God na e hiu ho heeꞌu, no ko unue huniꞌomu uuri. “Nou saie taane uri mwala ko unue soihaadaꞌinge iꞌomu e mauri diana. Taꞌe ineu, nou saie mola tolahamiu, uri omu mae oto ni ngeena.

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.

Haataꞌinge 3:20

!Omu ke rongo kaꞌu! Ineu oto nou uure i aena maa, no ko iiki-iiki ienini. Mala nga iini ko rongoa walaku na ko tahanie maa talaku, nge ne kei sili mei nume ingeie, na ne kei ngeu oto tararuru peꞌie.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.