Haataꞌinge 19:8 - Tataroha Diana

⁸ E hoꞌosie oto toꞌoni aani sala mwarau, toꞌoni haalu rereꞌa nge niilana e lae oto hunie.” (Omu ke saie uri a huꞌe haalu ngeena nge mo iinoni maaꞌi a God na toꞌoni mwarau rereꞌa ngeena e haꞌamalaa uri mo esunge diana kire asuiꞌi.)

Haataꞌinge 19:8 ပူးပေါင်းရင်းမြစ်များ

Matiu 17:2

Taꞌi lengi i leune, oto sapena Jisas ko hei-oolisi oto mola i naꞌoda. Maana ko nuꞌe oto mala sato e raa, na mo toꞌoni ingeie ko rereꞌa oto mala raa-raa.

Matiu 22:12

Oto ko teꞌuri hunie, ‘?Malahuku, e ue o lae mola mai urine na o kaꞌa toꞌoni aana nga toꞌoni ni aaharota?’ Taꞌe a mwaena e kaꞌa nguuhie ike.

Tataroha Diana I Sulie A Jisas Kraes Nge A Mak E Uusue 9:3

na mo toꞌoni ingeie ko wana-wana, na kire ko rereꞌa oto hiitoꞌo, liutaa aana taꞌena nga iini mei aano e sai hoda rereꞌa aani.

Tataroha Diana I Sulie A Jisas Kraes Nge A Luk E Uusue 24:4

Maholo kire ko loꞌo-loꞌongaꞌi peꞌie taipuꞌo-puꞌonga i sulie nga taa e raune, na e ro mwane kire toꞌoni aani toꞌoni rereꞌa wana-wana kire uure oto peꞌire.

Palonga 1:10

Maholo kire ko lio-lio ue i sulie a Jisas ko tahelaꞌi i Lengi ngeena, na e ro mwane kirerue toꞌoni aani toꞌoni rereꞌa ko tolana uure oto peꞌire.

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 15:6

Na e hiu ensel ko toolea mai e hiu mei huꞌi-huꞌite aaela ooreta ngeena kire ko iisitaa oto mai. Kire mani hoꞌosie mo toꞌoni rereꞌa wana-wana na mo rorotoꞌoni aani kol i denumada,

Haataꞌinge 19:14

Na mo pulitaa ni ramo aani mae a God kire ko lae oto mai i sulie. Kire mani huru aana mo hoos rereꞌa noꞌone, na kire mani hoꞌosie mo toꞌoni mwarau na kire wana-wana rereꞌa.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.