Haataꞌinge 19:6 - Tataroha Diana

⁶ Oto nou heꞌi rongoa loꞌu mei wala paine domana oto uri mwala hunge ko ere, na domana oto kou-kouhaꞌana naho paine, na domana oto ho lou-lou ko kakahite, na kire ko teꞌuri, “Lahea God ikie, aana God Aalaha Hahuꞌana Nanama e aalaha oto.

Haataꞌinge 19:6 ပူးပေါင်းရင်းမြစ်များ

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Haataꞌinge 1:15

Na e ro aeꞌaena e wana-wana oto mala hau pulu e wana aana dunge e madorohie. Na walana e rongo oto mala kou-kouhaꞌana naho paine.

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Haataꞌinge 12:10

Oto nou heꞌi rongoa loꞌu mei wala paine e uure taꞌau i Lengi ko teꞌuri, “Aana maholo ie God ikie e haꞌa-uurikie oto. e haataꞌinie oto uri e toꞌo aana nanamanga huni aalaha oto mala inemauri. Oto ie a Kraes e haataꞌinie uri ingeie oto ni e aalaha haahie taꞌena nga ola. Aana iini nge holaꞌinaꞌo e talei haꞌa-haꞌasusungeꞌinie mola mo eesike suli aatowaa na rodo i naꞌona a God ikie, aasilana e lae oto mai aano.

Haataꞌinge 14:2

Na nou rongoa nga aawa-aawatai ola paine uure taꞌau i Lengi domana oto aawa-aawatana wai peine ko kone, na domana oto kou-kouhaꞌana lou-lou peine. Aawa-aawatai ola nou rongoa ngeena e rongo diana mala aawa-aawatana mo pesi aawa mwala ko sikiliꞌi.

Haataꞌinge 19:1

Oto i purine walu ola ngeena, nou rongoa aawa-aawatai ola mala walana mwala hunge taꞌau i Lengi ko unue uuri, “!Lahea God ikie! Taꞌe ingeie mola e manikuluꞌe na e nanama. Taꞌe ingeie mola ni e sai haꞌa-uuri.

Haataꞌinge 19:4

Oto e ro aawalai rato ni mwane mwana hai, na e hai ola mauri ngeena kire si lai pouruuru hai aano, na kire ko lahea God, iini e iiꞌo i lengine naunekume ni aalaha, na kire ko teꞌuri, “!Lahea God ikie! Ke urine oto.”

Haataꞌinge 21:22

A God Aalaha Hahuꞌana Nanama na a Kalei Sipu kire iiꞌo oto mone aana hanuena, oto nou kaꞌa leesie ike nga nume maaꞌi i laona hanuena aana kire kaꞌa saetoꞌo aana loꞌu nge nume urine.

Haataꞌinge 4:5

Na uure mwaanie naunekume paine ngeena, waꞌariri ko eeso na lou-lou ko kakahite. Na i naꞌona naunekume, e hiu maai dunge ko eeso-eeso, na ikire e hiu liꞌoa a God otona.

Haataꞌinge 6:1

Oto nou lio loꞌu na no ko leesie a Kalei Sipu e tahanie oto eetana nga iini aana e hiu hui edi mwaanie uusu-uusu hio-hio ngeena. Na no ko rongoa ngaeta iini aana e hai ola mauri ko ere paine na walana e lola oto mala lou-lou uuri, “O ke lae mai.”

Haataꞌinge 8:5

Oto ensel ngeena e toolea dunge mwaanie ora ni uunu-uunu ola, na e neꞌie i laona kao-kao ngeena, na e uuꞌileꞌinie i lalona walumalau. Oto waꞌariri ko eeso, na lou-lou ko kakahite, na nunu ko esu oolo-oolo oto.