Haataꞌinge 19:10 - Tataroha Diana

¹⁰ Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Haataꞌinge 19:10 ပူးပေါင်းရင်းမြစ်များ

Matiu 4:10

Oto a Jisas ko aalamie loꞌu uuri, “Tahi mwaanieu Satan aana mo Uusu-uusu Maaꞌi e unue uuri, Omu ke palo-paloa mola taꞌe a God Aalaha iꞌomu, na omu ke asu mola nana taꞌe ingeie haliꞌite.” Diutronomi 6:13

Tataroha Diana I Sulie A Jisas Kraes Nge A Mak E Uusue 5:22

Na aana maholona, ngaeta naꞌohai mwane paine aana nume ni palo-palo, satana a Jaeras, e hule noꞌone. Maholo e leesie a Jisas, e pouruuru oto i naꞌona,

Tataroha Diana I Sulie A Jisas Kraes Nge A Mak E Uusue 7:25

Na ngaeta huꞌe, liꞌoa aaela e hite aana kele pule ingeie, ingeie noꞌone i leune. Oto maholo e rongoa uri a Jisas e hule, oto ko tolana lae oto mai pouruuru i naꞌona.

Tataroha Diana I Sulie A Jisas Kraes Nge A Luk E Uusue 1:19

Ensel ko aalamie uuri, “Ineu a Gebrel, na nou uure i naꞌona God. Na ingeie oto ni e uusungeꞌinieu mei huni ere peꞌiꞌo, na ni haꞌarongoꞌo aana tataroha diana ie.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Jon E Uusue 5:39

“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 13:27

Mwala ni Jerusalem na mo naꞌohai mwane ikire, kire kaꞌa lio saie ike uri a Jisas ingeie a Haꞌa-uuri nge a God e haiholotaꞌinie. Kire kaꞌa lio saie ike walana mo propet nge saaileni ko lae-lae suli Dinge Maaꞌi ikie. Taꞌe ikire maraada nge kire haꞌa-oaie mei wala ngeena aana maholo kire lei-leie a Jisas hunie maenga.

2 Korinit 8:7

Iꞌomu, omu ko hele diana aana oto ahutana tolahai ola diana. Hiiwalaimolinge iꞌomu e susu oto, na omu tohungei saenanau i sulie tolahana a Jisas, na omu sai haꞌa-uusuli aana mo ola urine. Oto tarau omu mwaꞌe-mwaꞌe huni peꞌi-peꞌie mo iinoni, na manata-diananga iꞌomu huniꞌemeelu e paine. Oto melu saetoꞌo aana uri omu ke aꞌailaꞌa noꞌone aana tolaha ni niinge peꞌie manata-diananga.

Epesas 5:15

Oto omu ke lio talamiu aana iiꞌonga iꞌomu. Omu ke suꞌuri oꞌoꞌo oto mola mala mwala e puꞌosasu, taꞌe omu ke iiꞌo oto mala mwala e saenanau.

Epesas 5:33

Taꞌe mo wala ngeena e uure noꞌone huniꞌomu. Oto taꞌe-taꞌena nga poro ke manata diana hunie huꞌe ingeie mala ko manata diana hunie sapena maraana, na taꞌe-taꞌena nga huꞌe ke haꞌamaꞌu aana poro ingeie.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

1 Tesalonaeka 5:15

Omu ke lio talamiu mwaanie nga iini e heꞌi suꞌue loꞌu tataꞌalanga hunie nga iini. !Haꞌike! Taꞌe omu ke diana mola huniꞌomu heiliu taraureꞌi na noꞌone hunie ahutana mwala.

Hibru 1:14

Oto kie saie mola uri mo ensel, ikire mo liꞌoa mola huni esu nana God, na a God e sai uusungeꞌinire mai huni peꞌie mo iinoni nge haꞌa-uurilada ko lae hunie kire kei helesie maurihe huu.

Hibru 12:25

Oto omu ke lio talamiu, mwaanie omu sereꞌi rongo hunie a God ko ere-ere mai huniꞌomu ngeena. Mwala holaꞌinaꞌo nge kire kaꞌa sare rongo ike hunie a Mosis aana maholo e haꞌapasulire mai aana walumalau ie, kire kaꞌa sai tehisie ike loꞌu mo haꞌamotaahinge. Taꞌe ie a God e ere mai uure taꞌau i Lengi huni haꞌapasulikie. ?Oto kie ke si tehisie kaꞌu mo haꞌamotaahinge uri taa, mala uri kie ko tolipuri aana walana? !Kei aasa mwae!

1 Jon 5:10

Taꞌena nga iini ko hiiwalaimoli aana Kalena God, e saie uri nga taa a God e unue e toꞌohuu. Taꞌe iini e kaꞌa hiiwalaimoli aana a God, nge ko unue oto uri a God e sai eero, aena aana e kaꞌa hiiwalaimoli ike aana nga taa a God e unue i sulie a Kalena.

1 Jon 5:21

Aena urine, maeni mwela ineu, omu ke kinetaꞌinie saemiu mwaanie omu rongo hunie mo haꞌa-uusulinge eero-eero, aana o ko deu urine, nge o kaꞌa paloa ike tohungei God, taꞌe o ko palo-paloa mola mo god eero-eero.

Haataꞌinge 1:1

Uusu-uusu ienini e ere i sulie mo ola nge a Jisas Kraes e haataꞌiniꞌi hunieu aana nga taa ko karaꞌi lae oto mai. A God e uusungeꞌinie a Jisas hunie ke haataꞌiniꞌi hunie ahutana mo koni-konihe ingeie, oto a Kraes e uusungeꞌinie ensel ingeie i saaku a Jon huni haataꞌinie mo ola ie hunieu.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.

Haataꞌinge 12:17

Oto painehaꞌana mwaa ala-ala ngeena e tohungei saewasulie a huꞌena, na e lae oto huni ooho peꞌie mo kalena. Ikire oto mo iini nge kire ko lulu i sulie mo haꞌatolanga a God, na kire ko haꞌahouleꞌinie walaimolinge i sulie a Jisas.

Haataꞌinge 14:7

Ensel ngeena ko ere aana mei wala paine uuri, “Omu ke haꞌamaꞌu aana God na omu ke haꞌapainaꞌaa. E hule oto aana maholo a God huni leie ahutana mwala. Oto omu ke haꞌamanikuluꞌaa God aana ingeie oto iini nge e haꞌaholaa salo, na aano huu, na aasi, na mo huulaa mauri, na taꞌena nga ola loꞌu i laona walumalau.”

Haataꞌinge 15:4

?A tei e kaꞌa sai meꞌuteꞌiniꞌo, Aalaha? ?Na a tei e saꞌa haꞌamanikuluꞌaa satamu? Sulie taꞌe iꞌoe oto o maaꞌi, ahutana mwala kei meni paalaheꞌo aana o haataꞌinie oto oodotaꞌinge iꞌoe.”

Haataꞌinge 19:9

Oto ensel ngeena e heꞌi teꞌuri loꞌu hunieu, “O ke uusue mo erenga ie—Deidehie mo iini nge haꞌarongolada e lae hunie ngaunge aana haꞌarurunge a Kalei Sipu.” Na ensel ngeena e teꞌuri noꞌone, “Mo wala ienini, walana a God oto toꞌohuu.”

Haataꞌinge 4:10

na e ro aawalai rato mwana hai ngeena kire ko pouruuru hai naꞌona iini e iiꞌo i lengine naunekume, na kire ko lahea iini nge ko meu-meuri oto huu. Kire ko neꞌie mo rorodara ikire i naꞌona naunekume ingeie na kire ko unue uuri,