Haataꞌinge 18:6 - Tataroha Diana

⁶ “Mala e asu aaelasie kaꞌu mo iinoni maaꞌi ineu, nge ne kei suꞌue loꞌu taꞌa-taꞌa taungei aaelanga ngeena hunie, taꞌe kei aaela haꞌarue loꞌu hunie. E haꞌa-inuhie kaꞌu mo iinoni maaꞌi ineu aani wei ahaꞌi, na ingeie kei inu haꞌarue loꞌu aana wai ahaꞌi ngeena.

Haataꞌinge 18:6 ပူးပေါင်းရင်းမြစ်များ

2 Timoti 4:14

O ke lio talamu mwaanie ngaeta mwane satana a Aleksanda. Ingeie ngaeta mwane nge e sai esuie taꞌena nga ola oto mola aani aean. E tohungei waelieu aana e tohungei sereꞌinie haꞌa-uusulinge ikolu. A Aalaha ke si haꞌaletehie taane haahie nga taa e asuie ngeena.

Haataꞌinge 13:10

Mala uri a God kei toliꞌaasie taꞌena nga iini ke lae i nume ni hoꞌo, nge kei lae oto i nume ni hoꞌo. Mala uri a God kei toliꞌaasie taꞌena nga iini ke mae aani naihi, nge horoꞌilana kei lae oto aani naihi. Na aana maholo nge mo ola ngeena kei reu urine, nge iꞌomu mo iinoni a God, omu ke uure aꞌailaꞌa mola na omu ke hiiwalaimoli ngei-ngedi mola aana a God.

Haataꞌinge 14:10

Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu.

Haataꞌinge 16:19

Na a God e neꞌisae oodoie aaelanga aana hanue paine nge e urihana Babilon wau i naꞌo, oto e tohungei haꞌa-aahesie apune aana saewasunge ingeie. Nunu peine ngeena e oopaa hanue paine ngeena aana e oolu poꞌo ni leu, na mo huilume paine aana taꞌena nga aapoloa kire aaꞌoho mango oto.

Haataꞌinge 17:2

nge e mai-mesi peꞌie ahutana mo inemauri aana walumalau. Na ahutana mwala aana walumalau kire ko pweu oto aana tolahai ola aaela aana hanuena mala iinoni e mahiri aana e inu wei ni pweunge.”

Haataꞌinge 17:4

A keine e toꞌoni aana toꞌoni lauleuniꞌe na e nonoroꞌa. Mo ola e launi eeni, kire wana-wana mala kol na siliva na mo dehi na mo heu holiteni e paine. A keine e hele aana kao-kao aani kol i nimana, taꞌe i laona e honu mola aana mamaꞌelaꞌanga aana tolahai ola aaela ingeie na aana madaꞌanga aani mesinge ingeie.

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”