Haataꞌinge 18:24 - Tataroha Diana

²⁴ Iau, na aaꞌohosilana hanue iꞌomu e lae aena aana omu roroꞌa noꞌone aana apune mo propet, na mwala maaꞌi a God, na ahutana mo iini nge horoꞌilada e lae i laona walumalau. Hanue paine iꞌomu mo Babilon ngeena e urihana mei repi keni, na walu ola aaela e haꞌamalaa aani ngeena, ikire oto kire horo maesie mo iini oodotaꞌi urine. Oto aaꞌohosilana hanue iꞌomu e lae mola.”

Haataꞌinge 18:24 ပူးပေါင်းရင်းမြစ်များ

Matiu 23:27

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu urihana mola mo kilipweꞌu kire mole rereꞌa aani. Leesileni poꞌoi sinaha kire tohungei lai lio diana, taꞌe wai laloni, kire honu mola aani suisuli haliꞌite na kasuhaꞌana mo rae.

Matiu 23:35

Oto iꞌomu, omu kei roroꞌa aana maelana ahutana mwala oodotaꞌi nge horo maesilada e lae mai aano. Omu kei aehota roroꞌa aana horoꞌilana ahutana mo mwane oodotaꞌi, uure aana a Ebol lai hule aana horoꞌilana a Sekaraea, mwane kalena Barakaea nge omu horo maesie karaꞌinie ora ni uunu-uunu aana Nume Maaꞌi Peine.

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,

Haataꞌinge 11:7

Oto maholo e ro propet ngeena kirerue kei unu tahangaꞌinie walana God mango, nge nga ola loo-looꞌa kei maau poi mwaanie kalinge ni haꞌamotaahinge ngeena. Oto ke si heiseuni peꞌirerue na kei horo maesirerue oto.

Haataꞌinge 16:6

Aana kire haꞌa-aahesie apune mwala maaꞌi iꞌoe na mo propet iꞌoe. Oto ie o haꞌa-inuhire mola aani epu huni oolisie mo horonga kire asuiꞌi i naꞌo.”

Haataꞌinge 19:2

Mo leinge ingeie kire toꞌohuu na kire oodotaꞌi. A God ikie e haꞌaloie oto mei repi ngeena, keni nge e asuie aaelanga hunie walumalau aana masinge ingeie. A God e haꞌaloie mei repi ngeena huni suꞌue maelana mo koni-konihe ingeie.”