Haataꞌinge 18:21 - Tataroha Diana

²¹ Oto nou leesie loꞌu ngaeta ensel aꞌailaꞌa e suluꞌie hau oto paine, na ko uuꞌileꞌinie hai laona aasi, ko teꞌuri, “Iꞌomu mo Babilon omu kei urine noꞌone, aana aaꞌohosilana hanue iꞌomu kei lae na omu kei eiꞌaa oto mwaanie walumalau.

Haataꞌinge 18:21 ပူးပေါင်းရင်းမြစ်များ

Haataꞌinge 10:1

Oto nou heꞌi leesie loꞌu ngaeta ensel e tohungei nanama liutaa ko siho mai uure i Lengi. Na e aaluhi aana mei uuru oto mala nga toꞌoni ingeie, na hureꞌaro e lolo ahuie pwaune. Maana e raa oto mala sato, na e ro aeꞌaena domana oto e ro mela-melahai dunge oto paine.

Haataꞌinge 12:8

Taꞌe a Maekol ni e aꞌailaꞌa liutaa aana mwaa ngeena. Oto uure aana maholona, kire kaꞌa toliꞌaasie ike loꞌu hunie mwaa ngeena wa mo ensel ingeie ke iiꞌo taꞌau i Lengi,

Haataꞌinge 16:20

Ahutana mo mala-malau na mo toloi henue kire mani eiꞌaa oto, na nga iini e saꞌa leesiꞌi loꞌu.

Haataꞌinge 18:10

Kire uure oto wau haꞌatau mwaanie aana kire maꞌuteꞌinie aaelanga nge e hite aana, na kire ko teꞌuri, “!Aama-aamasilemu! !Aama-aamasilemu hanue oto paine! Iꞌoe oto Babilon, hanue e tohungei nanama. Haꞌamangolamu e hule oto aana taꞌa-taꞌa maholoi sato.”

Haataꞌinge 18:22

Aawa-aawatai pesi aawa nge mwala ko sisikilie omu saꞌa rongoa ike loꞌu, wa aawa-aawatai eu nge mwala ko uuhi-uuhie wa taꞌena nga kana nge mwala ko kana-kanalie na haꞌike loꞌu. Na nga mei aawatai ola aani tola-keninge wa aani haꞌarurunge na omu saꞌa rongoa ike loꞌu i seemiu. Na mo mwane auꞌesu iꞌomu na e urine loꞌu, aana omu saꞌa lio oodoire ike loꞌu, na aawatai ola aana mo iini ko haꞌa-haꞌalie na omu saꞌa rongoa ike loꞌu. Na hule aana nga laite na e saꞌa raa loꞌu i seemiu. Oto omu kei siꞌohaꞌa oto toꞌohuu mala mei nao keni. “Aaꞌohosilana hanue iꞌomu e lae oto aena aana iꞌomu, mo mwane tai-teri ola aana haꞌaholinge, omu esuie siꞌonga hunie omu ke eeroa ahutana mo aapoloa aana walumalau huni lae takalo i suliꞌomu, hunie ikire noꞌone kire ke saetoꞌo aana toꞌo-toꞌonga liutaa aana kire saetoꞌo aana a God.

Haataꞌinge 20:11

Oto nou leesie a God e iiꞌo i lengine naunekume rereꞌa oto paine. Na e lio mala uri walumalau na salo kire tahi mwaanie, na nga leu huni lio oodoiꞌi haꞌike loꞌu.

Haataꞌinge 5:2

Oto nou leesie loꞌu nga ensel e nanama ko soi-soi aana mei wala paine uuri, “?A tei ni e malisine uri ke taꞌaasie mo hui edi na ke lalaaꞌinie uusu-uusu hio-hio ngeena?”