Haataꞌinge 18:18 - Tataroha Diana

^18-19 Kire leesie pwaꞌulana dunge aana a keine ko weru, na kire ko soi oto i lengi uuri, “!Aama-aamasilemu! !Aama-aamasilemu hanue oto paine! Nga huilume e kaꞌa sada ike loꞌu aana huilume paine ngeena. Ahutameelu nge melu toꞌo haka, melu meni toꞌo-toꞌo noꞌone aena aana toꞌo-toꞌonga oto paine a keine. Saehuunge oto paine aana e aiꞌaa oto mola aana taꞌa-taꞌa kele maholoi sato.” Na kire ko aasie pwasaꞌora i lengine pwaude peꞌi ngaranga ni haataꞌinie saehuunge ikire.

Haataꞌinge 18:18 ပူးပေါင်းရင်းမြစ်များ

Haataꞌinge 13:4

Ahutana mwala ko meni paloa painehaꞌana mwaa ala-ala ngeena, aena aana e niie aꞌailaꞌanga ingeie hunie ola loo-looꞌa ngeena. Na kire palo-paloa noꞌone ola loo-looꞌa ngeena peꞌie mo wala uuri, “?A tei e sada peꞌie ola loo-looꞌa ngeena? Nga iini hunie ke aꞌailaꞌa liutaa aana na haꞌike loꞌu.”

Haataꞌinge 14:11

Pwaꞌulana dunge ni sapesalunge ikire ngeena e saꞌa mou-mou ike loꞌu, taꞌe kei taꞌelaꞌi taraꞌasi mola susue aatowaa na rodo. Oto nga mamalonga haꞌike loꞌu hunie mo iini nge kire haꞌapainaꞌaa ola loo-looꞌa ngeena na nunune, wa mo iini nge kire toꞌo aana haꞌa-ara aana satana.”

Haataꞌinge 16:19

Na a God e neꞌisae oodoie aaelanga aana hanue paine nge e urihana Babilon wau i naꞌo, oto e tohungei haꞌa-aahesie apune aana saewasunge ingeie. Nunu peine ngeena e oopaa hanue paine ngeena aana e oolu poꞌo ni leu, na mo huilume paine aana taꞌena nga aapoloa kire aaꞌoho mango oto.

Haataꞌinge 18:16

!Aama-aamasilemu! !Aama-aamasilemu hanue oto paine! O hoꞌo-hoꞌosie kaꞌu mo toꞌoni diana, na mo toꞌoni lauleuniꞌe, na mo toꞌoni nonoroꞌa. O haꞌa-haꞌalauniꞌo maraamu aani kol, na mo heu iiro-iiro, na mo uꞌumaai dehi.