Haataꞌinge 16:2 - Tataroha Diana

² Oto eetana nga ensel e lai lingisie kao-kao ingeie haahie walumalau. Nge sapesalunge aani osa e si lae mai haahie ahutana mwala nge kire toꞌo aana haꞌa-ara aana ola loo-looꞌa ngeena na mo iini nge kire ko paloa nunui ola ingeie.

Haataꞌinge 16:2 ပူးပေါင်းရင်းမြစ်များ

Palonga 12:23

A Herod e saetoꞌo aana mwala ko lahea urine, na e kaꞌa unue ike hunire uri kire ke lahea mola a God. Oto mola aana kele maholoi satona, ensel a God e si da a Herod ke mataꞌi, na mo mwaa-mwaa kire ko ngeue hasiꞌona lae-lae hule aana e mae.

Haataꞌinge 13:12

Oto maholo ruana nga ola loo-looꞌa ie e iiꞌo peꞌie eetana nga ola loo-looꞌa ngeena, nge ko esu aana nanamanga nge iini holaꞌinaꞌo e toꞌo aana. E asu aana nanamanga ngeena urine huni deu rarahie mola ahutana mwala aana walumalau hunie kire ke palo-paloa iini holaꞌinaꞌo ngeena nge malaka aaela e oꞌoꞌo kaꞌu aana taꞌe e mola loꞌu.

Haataꞌinge 14:16

Oto iini nge e iiꞌo i lengine mei uuru ngeena e salea walumalau aana naihi lama-lama ingeie, na soꞌokonilana mo iinoni oodotaꞌi aana walumalau e lae oto.

Haataꞌinge 14:9

Oto oolune nga ensel e lae loꞌu mei sulie e ro iini i naꞌo, na ko unue mei wala paine uuri, “Kei aaela oto liutaa hunie iinoni nge ko pouruuru i naꞌona ola loo-looꞌa ngeena na nunune. Kei aaela oto hiitoꞌo hunie ahutana mo iini nge haꞌa-ara aana ola loo-looꞌa ngeena i darana wa aana nimana.

Haataꞌinge 16:1

Oto nou heꞌi rongoa loꞌu mei wala paine e uure mwaanie leu e tohungei maaꞌi liutaa na ko unue hunie e hiu ensel uuri, “Omu ke lai lingisie e hiu kao-kao aana saewasunge a God haahie walumalau.”

Haataꞌinge 16:11

na kire ko ere aaelasie oto a God taꞌau i Lengi aena kire ko hii aaela aana mo osa na aana sapesalunge ikire, taꞌe kire kaꞌa sare oolisie mola manatada mwaanie aaelanga kire ko esuie.

Haataꞌinge 8:7

Oto eetana nga ensel e uuhie aahuri ingeie. Na mo uudu-uuduhe aani nemo e pou mala hau ko teke oto uure mai taꞌi salo, na dunge na apu ko teke noꞌone peꞌiꞌi. Oto ahutana hahalisi e waru mango, na oolune nga poꞌo ni leu aana aano huu na mo ei i lengine kire waru oto noꞌone.