Haataꞌinge 14:15 - Tataroha Diana

¹⁵ Na ngaeta ensel e lae loꞌu mei mwaanie nume maaꞌi, na ko soi takoie iini nge e iiꞌo i lengine mei uuru ngeena uuri, “O ke toolea naihi iꞌoe na o ke soꞌokoni oto, aena aana hohola aana walumalau e repo diana oto, na maholo hunie soꞌokoninge e hule oto.”

Haataꞌinge 14:15 ပူးပေါင်းရင်းမြစ်များ

Matiu 13:30

Toliꞌaasie kaꞌu mo kooni na mo rea ke mani pwito tararuru hule aana soꞌokoninge. Oto ne ke si unue hunie mo iini ko soꞌokoni uri kire ke holaꞌi ware aasie mo rea, kire ke loko i hoꞌo huni uunu aasiꞌi. Oto kire ke si haro soꞌokonie loꞌu mo kooni huni neꞌiꞌi lengine haa ineu.’ ”

Matiu 13:39

na maelonga nge e tataaꞌinie mo rea ingeie oto a Satan. Na soꞌokoninge oto haꞌamangolana walumalau, na mo iini ko soꞌokoni oto mo ensel.

Matiu 23:32

Nge ko urine oto, omu ke lae taraꞌasi mola huni haꞌamangoa oto mei roroꞌanga mo aamamiu e aehotaa kaꞌu.

Tataroha Diana I Sulie A Jisas Kraes Nge A Mak E Uusue 4:29

Oto maholo hue-huana ko repo oto, nge a mwaena ko si aehota tapaliꞌi oto aana naihi ingeie eena, aana kire repo oto na e hule oto aana maholo huniꞌi.”

1 Tesalonaeka 2:16

aana kire sare uure honosiꞌemeelu mwaanie haꞌa-uusulilana mo Aapoloa Aaopa i sulie haꞌa-uuringe a God. Oto aena kire dau urine, mo oorahaꞌaanga ikire ko pei-peine loꞌu mola hiitoꞌo, na saewasunge a God e hule oto aada.

Haataꞌinge 11:19

Oto nume maaꞌi a God taꞌau i Lengi e taha, na nou leesie oto taꞌau kesi maaꞌi a God nge haiholotaꞌinge ingeie i laona. Oto waꞌariri ko eeso hailiu, na lou-lou ko hoka, na nunu oto paine peꞌie mawasidengi oto paine ko hite, na mo uudu-uuduhe aani nemo e pou mala hau taꞌi salo ko teke oto mai aano mala nemo.

Haataꞌinge 13:12

Oto maholo ruana nga ola loo-looꞌa ie e iiꞌo peꞌie eetana nga ola loo-looꞌa ngeena, nge ko esu aana nanamanga nge iini holaꞌinaꞌo e toꞌo aana. E asu aana nanamanga ngeena urine huni deu rarahie mola ahutana mwala aana walumalau hunie kire ke palo-paloa iini holaꞌinaꞌo ngeena nge malaka aaela e oꞌoꞌo kaꞌu aana taꞌe e mola loꞌu.

Haataꞌinge 14:14

Oto nou lio-lio na no ko leesie loꞌu nga iini e lio mala iinoni e iiꞌo i lengine mei uuru. E hoꞌosie rorodara aani kol i pweune, na e hele aana naihi e ala huni soꞌokoni.

Haataꞌinge 14:16

Oto iini nge e iiꞌo i lengine mei uuru ngeena e salea walumalau aana naihi lama-lama ingeie, na soꞌokonilana mo iinoni oodotaꞌi aana walumalau e lae oto.

Haataꞌinge 14:17

Oto nou leesie ngaeta ensel e lae loꞌu mei mwaanie nume maaꞌi taꞌau i Lengi, na ensel ngeena noꞌone e toꞌo aana naihi e ala huni soꞌokoni.

Haataꞌinge 14:18

Oto ensel nge ko lio-lio i sulie dunge aana ora ni uunu ola, e lae mai mwaanie ora ni uunu-uunu na ko soi weu hunie ensel nge e hele aana naihi uuri, “O ke toolea naihi iꞌoe na o ke lae oto i soꞌo niu, aena aana mo niu i laona pariki aana walumalau kire ulu-ulu oto.”

Haataꞌinge 15:6

Na e hiu ensel ko toolea mai e hiu mei huꞌi-huꞌite aaela ooreta ngeena kire ko iisitaa oto mai. Kire mani hoꞌosie mo toꞌoni rereꞌa wana-wana na mo rorotoꞌoni aani kol i denumada,

Haataꞌinge 16:17

Na hiune nga ensel e lai lingisie loꞌu kao-kao ingeie mai laona aahowaa. Oto mei wala paine e iisitaa mai mwaanie naunekume i laona nume maaꞌi, na ko teꞌuri, “E mango oto.”

Haataꞌinge 6:10

Oto mo maurihaꞌai ola ngeena kire ko soi aana mei wala paine uuri, “Hahuꞌana Aalaha iꞌemi, iꞌoe o maaꞌi na o toꞌohuu. ?Maholo uri taa nge o ke si leie mo iinoni hai aano na o kei suꞌue mei epu iꞌemi?”