Haataꞌinge 14:13 - Tataroha Diana

¹³ Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”

Haataꞌinge 14:13 ပူးပေါင်းရင်းမြစ်များ

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

Tataroha Diana I Sulie A Jisas Kraes Nge A Luk E Uusue 16:25

“Taꞌe a Ebraham e teꞌuri mola, ‘Kaleku, o ke aamasitoꞌo aana maholo o oꞌoꞌo mauri, o toꞌo aana oto dianahaꞌana ahutana mo ola, taꞌe a Lasaros e lae peꞌi siꞌohaꞌa oto hiitoꞌo. Oto ie, a Lasaros e iiꞌo ni ilenimwaꞌenga na iꞌoe ko motaahiꞌo. Oto e aasa hunie ke peꞌiꞌo.

Tataroha Diana I Sulie A Jisas Kraes Nge A Luk E Uusue 16:9

Oto iꞌomu noꞌone, omu ke sai ola mala ikire. Iꞌomu noꞌone omu ke haꞌimalahune peꞌie mwala aana mo ola omu holiꞌi peꞌie mei toꞌoha omu pelie. Taꞌe mwaanie omu pola mola peꞌie mei wala no ko unue ienini, aana maholo toꞌolamiu kei aiꞌaa mwaaniꞌomu, nge mo malahumiu mai aano i leu kei deu aasaie tolakonilemiu aana mo nume huu. Taꞌe omu ke saenanau aana iiꞌonga i laona raa-raa.

Uusu-uusu A Pol Hurula'aa Hunie Mo Rom 14:8

Maholo kie ko meu-meuri ue, kie ko eriꞌapasie huni deu i sulie saena a Aalaha. Oto aana kie ko mae, na kie kei iiꞌo oto urine. Oto aana maꞌalana kie ke mae wa kie ke mauri, ikie mo iinoni a Aalaha mola haliꞌite ni ngeena.

1 Korinit 15:18

Na loꞌu mo iini e hiiwalaimoli nge kire mae oto, kire mani eiꞌaa oto.

1 Korinit 15:20

!Taꞌe haꞌike! Walaimolinge oto uri a Kraes e taꞌelaꞌi mwaanie maenga mala nga haiholotaꞌinge uri hungelana mo iini e mae oto kire kei haro taꞌelaꞌi loꞌu noꞌone hunie mauringe huu.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

1 Tesalonaeka 4:14

Aana ikie, kie hiiwalaimoli uri a Jisas e mae na e taꞌelaꞌi loꞌu. Oto aena urine nge kie ke hiiwalaimoli noꞌone aana uri a God kei taꞌea loꞌu peꞌie a Jisas mo iini kire mae oto nge kire hiiwalaimoli aana.

1 Tesalonaeka 4:16

Taꞌe a Aalaha maraana kei siho mai uure taꞌau i Lengi peꞌie mawataa paine mwaanie naꞌohai ensel na aawatai eehuri a God. Oto kira hiiwalaimoli nge kire mae oto, kire kei holaꞌi taꞌelaꞌi oto hunie maurihe.

1 Tesalonaeka 5:10

A Jisas e mae honotaka uri hunie ke haꞌa-uurikie hunie uri kie ke lae iiꞌo ruru peꞌie aana maholo kei ooli loꞌu mei, maꞌalana uri kie ke mae oto wa kie ke mauri ue aana maholona.

1 Timoti 5:24

Iau, mala nou si unue kaꞌu huniꞌo, o ke holaꞌi loꞌo-loꞌongaꞌi diana i naꞌona o ke si haꞌamaaꞌie nga iini. Aana mo oorahaꞌaa ngaeta mwala kire iiꞌo haadaꞌi mola huni leesiꞌi, na maꞌalana leilada e kaꞌa lae ike ue, taꞌe mwala kire sai leesie oto uri kire dau aaela. Na loꞌu mo oorahaꞌaa ngaeta mo iini kire iiꞌo mumuni, taꞌe leesileni ko si lae taane mai i puri.

1 Timoti 5:25

Oto e urine loꞌu aana ngaeta mo esunge diana kire mwadaꞌu noꞌone huni leesiꞌi, taꞌe maꞌalana nga mo iini kire iiꞌo mumuni keꞌu, kire saꞌa roroꞌa ni iiꞌo mumuni ike taraꞌasi.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”

Haataꞌinge 10:4

Oto mola i purine kire ere taa urine, na no ko deu oto uri ne ke uusue nga taa kire unue. Taꞌe loꞌu mola aana maholona na no ko rongoa mei wala uure i Lengi e teꞌuri hunieu, “Suꞌuri uusue nga taa nge e hiu lou-lou e unue, na o ke suꞌuri haꞌarongoa nga iini aana.”

Haataꞌinge 11:15

Oto hiune nga ensel e uuhie aahuri ingeie, na mo wala paine uure taꞌau i Lengi ko teꞌuri, “A God ikie na iini e lio hilisie hunie ke neꞌie a Haꞌa-uuri, ikire oto kire toꞌo aana nanamanga haahie ahutana walu ola aana walumalau na huni aalaha haahie oto huu.”

Haataꞌinge 11:19

Oto nume maaꞌi a God taꞌau i Lengi e taha, na nou leesie oto taꞌau kesi maaꞌi a God nge haiholotaꞌinge ingeie i laona. Oto waꞌariri ko eeso hailiu, na lou-lou ko hoka, na nunu oto paine peꞌie mawasidengi oto paine ko hite, na mo uudu-uuduhe aani nemo e pou mala hau taꞌi salo ko teke oto mai aano mala nemo.

Haataꞌinge 16:17

Na hiune nga ensel e lai lingisie loꞌu kao-kao ingeie mai laona aahowaa. Oto mei wala paine e iisitaa mai mwaanie naunekume i laona nume maaꞌi, na ko teꞌuri, “E mango oto.”

Haataꞌinge 19:9

Oto ensel ngeena e heꞌi teꞌuri loꞌu hunieu, “O ke uusue mo erenga ie—Deidehie mo iini nge haꞌarongolada e lae hunie ngaunge aana haꞌarurunge a Kalei Sipu.” Na ensel ngeena e teꞌuri noꞌone, “Mo wala ienini, walana a God oto toꞌohuu.”

Haataꞌinge 2:1

Oto a mwaena e unue loꞌu hunieu uuri, “O ke uusue hunie naꞌohai mwane aana soihaadaꞌinge wau i Epesas oto uuri. “Ineu iini nge nou hele aana e hiu ho heeꞌu aana ninime i pwalo-pwaloku, na no ko lae-lae i matolana e hiu ola kol talai laite nge no ko ere huniꞌomu ie.

Haataꞌinge 2:7

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire ko aꞌailaꞌa taraꞌasi honosie aaelanga, nge ne kei toliꞌaasie kire ke lae mai i laona hohola a God hunie kire ngaue hue-huana ai nge e sai niie maurihe huu.”

Haataꞌinge 20:6

Deidehie mo iini nge kire taꞌelaꞌi aana eetana nga taꞌelaꞌinge ngeena aana ikire oto kire maaꞌi. Kire saꞌa sapesalu ike i laona dunge ko weru oto huu, nge ruana nga maenga ni ngeena. Taꞌe kire kei neꞌi pris a God na a Kraes, na kire kei aalaha peꞌie a Kraes sulie sinolai helisi.

Haataꞌinge 21:5

Na iini nge e iiꞌo i lengine naunekume e teꞌuri, “Omu ke lio kaꞌu. No ko esu haalu aana walu ola.” Na e unue hunieu uuri, “O ke uusue mei ola ie, aena aana mo wala ienini kire toꞌohuu na o sai norutoꞌo oto aani.”

Haataꞌinge 22:17

Oto Liꞌoa Maaꞌi e unue uuri, “O ke lae mai.” Huꞌe a Kalei Sipu, nge oto soihaadaꞌinge, e unue noꞌone uuri, “O ke lae mai.” Na e malisine noꞌone hunie taꞌena nga iini ko rongoa mo wala ienini ke unue uuri “O ke lae mai.” Na mei wala ko lae noꞌone hunie mo iini kire sare toꞌo aana maurihe huu. “Omu ke lae mai.” Mo iini nge omu ko maarou hunie maurihe, omu ke lae mai tola mwaakule mola aana wai ni meurihe ienini.

Haataꞌinge 6:11

Oto niilana toꞌoni rereꞌa e lae hunie taꞌena nga iini aada, na unulana e lae hunire uuri, “Omu ke maaꞌoohi haꞌawali keꞌu. Mala kire horoꞌiꞌomu keꞌu, nge horoꞌilana mo koni-konihe a God ko lae-lae ue. Oto kei saro hule aana iidu-iidunge aana mo eesimiu kire ko horoꞌire kei ehu, nge ne ke si suꞌue mei epu iꞌomu.”